Aalt Westerman

Uut Wikipedia, de vrye encyklopedy
Naar navigatie springen Naar zoeken springen

Aalt Westerman (Ni'jlusen, 28 juni 1946) is een Sallaanse streektaalzanger en entertainer. Hi'j zingt veural op brulften en feesies veur een older publiek oaver zien dörp en streek. In 2007 weur e onderskeiden as Lid in de Örde van Oranje-Nassau veur zien wark bi'j verskeiden plaatselijke orgenisaoties en zien inzet veur de streektaal.

Bekende nommers van Westerman bint En dan wo'j 50 joar! en A'j Opa en Oma wod....

Warkzemheden, vrogger en vandage[bewark | bronkode bewarken]

In de jaoren zestig zat Westerman as gitarist en zanger in de beatband The keystones, daoras e regionaol success mit har. De band mus d'r mit uutskeiden toe as een paar leden in 't leger mussen. In de jaoren zeuventig pakten hi'j de meziek opni'j op mit de band de Yellow Stars (töt 2006). In 1998 begunden e mit solo-optredens in zien streektaal. Mit Dinie Bijker-Kouwen vörmt e 't Vechtdal Duo.

Westerman is mitwarker op freelance-basis bi'j de provinciaole umroep RTV Oost, daoras e in juli en augustus 't live pregramma mit streektaalmeziek Een zomer lang prissenteert. Zien eigen videoclips kuj ok wal veur TV Oost zien.

Veur Vechtdal FM, een radio-umroep veur de gemientes Dalsen en Ommen, döt e Dialect in 't Vechtdal, een pregramma mit streektaalliedties, gedichten en vertellegies.

Discografie[bewark | bronkode bewarken]

  • Luuster Mar ies (2006)
  • Mooi Oaveriessel (2006)
  • Zingt oaver... (2003)
  • Mien Streek ...taal (2002)
  • Als je opa en oma wordt (1997)
  • A'j Geluk Hebt ... (1997)

Uutgaonde verwiezing[bewark | bronkode bewarken]

Nuvola apps ksig.png Dit stok is eskreven in 't Zuudwest-Zuud-Drèents van de Drèents-Oaveriesselse grèensstreek.