Wassenaar

Oet Wikipedie, de vraaie enzyklopedie
Gao naor: navigasie, zeuk
Gemaente Wassenaar
Vlagge van de gemeante Wassenaar Waopn van de gemeante Wassenaar
(Vlagge van Wassenaar) (Waopn van Wassenaar)
Lokatie van de gemeante Wassenaar
Lokatie van de gemeante Wassenaar
Informasie
Proveensie Zuud-Hollaand Zuud-Hollaand
Heufdplaatse Wassenaar
Geografie en bevolking
Öppervlakte
 - Laand
 - Water
62,50 km²
km²
km²
Inwonners
Bevolkingsdichtheid
25.595 (1 juli 2006)
410 inw./km²
Koördinaoten 52° 9′ N, 4° 23′ OKoördinaoten: 52° 9′ N, 4° 23′ O
Aoverig
Netnummer 070
Postkode 4141-2, 4145, 4163, 4247
Offisiële webstie www.wassenaar.nl

Wassenaar is n darp en gemeente in de Nederlandse previnsie Zuud-Hollaand en hef ne oppervlaakte van 62,50 km². De gemeente Wassenaar mek deel uut van et kaderwetgebeed Haaglaanden.

Wassenaar besteet uut nen darpskern mit doarumhen ne bosrieke umgaeving mit völle villa's en laandhuze. Völle hiervan bunt vanolds buutenplaetse, zommerverblieve veur rieke steadelingen. Behalve an veul (gans) rieken geft dizzen underdak an bedrieve en konsulaten. Prins Willem-Alexander en Prinses Máxima hebt hier eur hoes op et laandgood Eikenhorst. Et laandgood Duunrell is noe in gebruuk as pretpark. In de umgeaving ligt de peerdenrenbane Duundigt, de enige oaver-ebleaven grös-renbane in Nederlaand.

In et centrum van Wassenaar steet nog ne olde, romaanse karke dee veur et grootste deel uut de 12de eeuwe kump. In dizze karke wodden prinsesse der Nederlaanden Alexia edeupt.

Wassenaar grenst an et darp Veurschoten woar et al joarenlang gode betrekkingen met hef. Al vanof olde tieden hebt de 2 darpen ne gezameleke geskiednis. Et geslacht van Wassenaar huusden bi-jveurbeeld in Kasteel Doevenvoorde in Veurschoten en Laandgood De Horsten, woar Eikenhorst n deel van is, ligt deels in de noabergemeente.

An den Wassenoarsen slag bunt nog resten van den Atlantikwall. Mit bi-jna doezend meter an undergroandse gemetselde gänge wödden nog 5 bunkers verboanden. Et stelsel dut deenst as vlearmoesreservoat en is in den zommer te bekieken.

Geskiednis[bewark | bronkode bewarken]

Van de romaanse karke wöd beweerd dat zee op de plaatse ligt, woar destieds den missionaris Willibrord in Nederlaand an laand was egoan. De hoge dunen ten westen doarvan bunt pas later ontstoan. Lange tied blef Wassenaar n unanzeenlek darp, dat alleneg enige bekandheid had umdat et et domein was van et geslacht van Wassenaer.

Pas in de 18de eeuwe begun et darp wat op te kommen, woartoo ok den bouw, under könning Lodewiek Napoleon, van den "Heerweg" tussen Den Haag en Leiden (den Rieksstroatweg van vandage) bi-jdroog. Umstreaks 1840 leet prins Willem Frederik Karel van Oranje-Nassau in Wassenaar et paleisjen "Den Paauw" anleggen, woar hi-j teentallen joaren ewond hef en dat noe as stadhoes van de gemeente Wassenaar wöd ebruukt.

Pas noa den anleg van ne spoorliene van Den Haag noar Skeveningen (de liene doarvan is den Laandscheidingsweg van vandage) in 1907 begun Wassenaar zich te untwekkelen as villadarp veur rieke renteniers.


Galleri-je[bewark | bronkode bewarken]