N Heeg

Oet Wikipedie, de vraaie enzyklopedie

Gemainte n Heeg


(Vlage van n Heeg)		(Woapen van n Heeg)

Provìnzie

Zuud-Hollaand

Heufdploats

n Heeg

Oppervlak
- Laand
- Woater

98,20 km²
82,66 km²
15,54 km²

Inwoner
Bevolkensdichtte

474.680 (1 jannewoari 2007)
5762 inw./km²

Geografische liggen

52°05' NB 4°18' OL

Belaankrieke verkeersaders

A4, A12, N14, NS Olde Liende, Hofpleinliende

Netnummer

070

Postkoden

2491-2599

Offisjeel webstee

www.denhaag.nl

n Heeg (Nederlaands: Den Haag oetsproak ^?/i of 's-Gravenhage oetsproak ^?/i is de heufdstad van de Nederlaandse provìnzie Zuudhollaand. Op 1 jannewoari 2007 haar de gemainte 474.680 inwoner (bron: CBS) dit betaikent dat de gemainte n Heeg de daarde gemainte van t laand is, wat de t aantel inwoner aangaait. n Heeg is ook de regeernszetel van Nederlaand, dus de zetel (of: residìnsie) van de regeern en t paarlemìnt. Ook is t t woonstee van keunegin Beatrix. Omdat t om dizze rezens aiglieks ook aan de definitsie van heufdstad voldut, wordt t in sommege boetenlaandse gidsen en bouken ook wel as heufdstad van Nederlaand nuimd. De gemainte n Heeg môkt ook dail oet van t koaderwetgebied Heeglaanden en de agglomeroatsie de Raandstad.

[bewark] Noam

Vrouger was de noam van dizze ploats Die Haghe of Den Hag(h)e. Vanôf 1602/1603 broekte t stadsbestuur offisjeel de noam 's-Gravenhage, dij as deftigere variaant zain wuir en komt van 'des Graven ha(a)ge' (groaf zien heeg).

Vanôf 1990 broekt de gemainte aaltied de (verkörte) noam Den Haag (in stee van 's-Gravenhage), ook al deur de internatsjonoaliseern van de hofstad, heur hudege stoates van juridische heufdstad van de wereld, dij zie nog môr net kregen het (IGH; VN-ISH), en ook om aan te sloeten bie boetenlaandse noamen as The Hague in t Engels, La Haye in t Fraans, (Den) Haag in t Duuts, Haag in t Deens, La Haya in t Spoans en Hago in de internasjonoale keunsttoal Esperanto.

In 1990 is n veurstel om de noam van de gemainte offisjeel in Den Haag te veraandern ôfwezen. De twij noamen binnen vanoldsheer offisjeel toustoan. Dit in tegenstellen tot de gemainte 's-Hertogenbosch, dij alleneg zó hait. De noam Den Bosch kin alleneg noar de stad verwiezen, nait noar de gemainte.

Op paspoorten/idìntiteitskoarten en in offisjele stokken dij oetgeven worden deur de gemainte staait altied: 's-Gravenhage. De spoorwegen en de ANWB-weegwiezers broeken de körtere noam Den Haag (n Heeg).