Waal (revier)

Oet Wikipedie, de vraaie enzyklopedie

Den Waal is ne Nederlaandse rivere. Et is den grootsten arm van den Rijn, dee zich ter heugte van Pannerden splitst in ht Pannerdensch Kanoal noar rechts en den Waal noar links. Et Pannerdens kanoal splitst zich wier bi-j Westervoort noar rechts of as den Iessel en noar links as den Nederrijn. Den Nederrijn is veurzeen van stuwen, zodat bi-j laege woaterstaanden et woater deur den Iessel en Waal kan wödden of-evuurd. Veurbi-j Wiek bi-j Duurstede heet dizzen rivere den Lek. Den Waal is veruut den woaterriekste riveretekke en ok den veurnoamsten veur den skeepvoart.

Den Waal geet vanof den vröggeren soamenvleujing mit den Maas bi-j Woudrichem (vandage bekand as ofgedamden Maas) oaver in den Merwede en streumt doarnoa deur verkillende weage noar den Noordzee; et meeste waoter streumt deu den Noord, den Ni-jen Maas en den Ni-jen Woaterwegge.

Den Waal wödt mit den Nederrijn en Amsterdam verbonden deur et Amsterdam-Rijnkanoal (bi-j Tiel) en mit den Maas deur et Maas-Waalkanoal (bi-j Nimwaege) en et Kanoal van Sint Andries. Op dat letsten punt streumd den Waal en Maas op ne ofstaand van 1,9 km lengs mekaar hen.

[bewark] Steden an den Waal

Den grootsten stad an den Waal is Nimwaege. Howal den stad op de linkeroover ligt, strekt de gemeente zich sinds joaren ok uut oaver den rechteroover, woarmet dizzen gemeente as enige op beide oovers ligt. Den uutbreiding van Nimwaege noar den rechteroover heet den Waalsprong.

Aandere grotere plaetse bunt Tiel (rechts) en Zaltbommel (links). Den Waal scheidt den Betuwe op den rechteroover van op riege het Riek van Nimwaege, et Land van Maas en Waal en den Bommelerwaard op den linkeroover.

[bewark] Aandere rivere

Den name de Waal wödt ok wal bruukt veur ne old stuksken rivere arm tussen deur et Zuud-Hollaandse eilaand Iesselmonde. Dizzen rivere arm steet ok bekand under den name et Waaltje.