Transsylvanische Saksen
Oet Wikipedie, de vraaie enzyklopedie
Den Transsylvanische Saksen (Duuts: Siebenbürger Sachsen; Nedersaksisch: Zeuvenburgen, Hongaars: Szászok) bunt nen etniesen groop van Duutsen eursprong dee vanof den 12den eeuwe in Transsylvanië bunt goan wonnen. Et is noa den Hongaarsen minderheid den greutsten minderheid in den streke. De kolonisatie van den Saksen van Transsylvanië begun toun den Hongaarsen könning Géza II (1141-1162) Duutse volken noar zien riek reep um den Hongaarsen grene te verdeadigen.
Noa de Mongoolse invallen van 1241-42 wöddden veule Duutse nederzettingen under den voot eloppen en verwoost. Noadat den Mongolen vort waren wierden den nederzettingen verstarkt. Et gebeed kreg den name Siebenbürgen (Zevenburgen) noar de zeven verstarkte steden:
- Bistritz (Bistriţa, Beszterce)
- Hermannstadt (Sibiu, Nagyszeben)
- Klausenburg (Cluj-Napoca, Kolozsvár)
- Kronstadt (Braşov, Brassó)
- Mediasch (Mediaş, Medgyes)
- Mühlbach (Sebeş, Szászsebes)
- Schässburg (Sighişoara, Segesvár)
Den beneuming Saksen verwiest neet noar den Duutsen deelstoat Saksen van noe, moar is ne ofgeleide van et Latijnse Saxones, wat in den middeleeuwn stoond veur meerdere noordeleken volkeren. Den Transsylvanische Saksen vormden in den middeleeuwn soamen mit den Szeklers en den Hongaarsen edelleu de 3 naties van Transsylvanië. Net veur en noa den valle van den mure bunt völle Transsylvanische Saksen noar Duutslaand etrokken.
In Roemenië bunt nog darpen te vinden mit ne Saksischen minderheid. Doar stoat nog (olde) karkskes mut Duutse teksten op den mure, zoas in Biertan. In Oost-Moldavië (republeek), in Soroca, steet ne kastele dat deur den Saksen ebouwd is. Dit is et meest oosteleke punt woar de Transsylvanische Saksen bunt ewest.
