Adel
Oet Wikipedie, de vraaie enzyklopedie
Den adel is ne geslotten moatschoppeleke klasse mit völ anzeen in ne staandenmoatschoppi-je. Den Europesen adel van vandage is histories ontstoan in staandenmoatschoppi-jen van veur de Fraanse Revolusie. In veule moatschoppi-jvörmen is ne beveurrechte klasse an te wiezen en et véurkommen van ne dergeleke klasse is van alle tieden. Ok de olde Grieken, de Romiense republeek, Aziatiese volkeren en Afrikaanse stammen kent, under verskillende noamen, euren adel.
Den adel kenmarkt zich deur:
- arfelekheid: adeldom wödt verkreggen deur geboorte, en geet dus ovver van olders op kinder. Ni-je families en leu wödden alleneg bi-j uutzundering in den adelstaand op-enommen;
- geslotenheid: den adel is ne ofzunderleke en geslotten groep, zunder veul sociale veurtbeweaging. Wi-j künt van ne geslotten kaste spreaken. Zie trouwt onderling en ok wanneer nen buutenstoander de betrekking, leafwieze en riekdom van de edelen hef verworven kan hi-j neet zunder meer edelman wödden;
- veurrechten: de titels van de edelleu en eure veurrechten wödden in de wet vast-elegd. In Nederlaand hef den adel gene biezundere veurrechten meer, moar de noamen en titels bunt bescharmd deur de wet.
 |
