Toal en Taiken

Toal en Taiken (ondertitel: tiedschrift veur Grunneger kultuur) is een tweimaondelks tiedschrift van Stichting 't Grunneger Bouk oaver Grunneger taal en geschiedenis, schrieveri'je, meziek, teniel en taalkunde. De oplage is een paar duzend exemplaren.^[1]

In Toal en Taiken staot onder meer lange, verdiepende artikels, riekelk geïllustreerd, aover zaken uut de geschiedenis van de pervincie Grunning. Ok staot der stokken in aover hedendaagse Grunneger keunst en cultuur. Wieder kuj in 't blad columns, strips, puzzels, verhaalties, gedichten en neis vienden.

't Tiedschrift besprek haoste alle Grunningstalige uutgaves, al mient partie det de besprekings vake niet biester kritisch bint.^[2]

Geschiedenis

Toal en Taiken kwaamp in 1983 voort uut de eerdere periodieken Oet Boukenkist van Stichting 't Grunneger Bouk en Verspraaid Verbonden, 't mitdielingsblad van 't Grunneger Genootschop.

Vanof 't eerste nommer is Jan Groenbroek (Scheemde, 1946) heufd- en endredacteur. Hi'j is ok de vörmgever van 't blad, det sund 2009 hielemaole in kleur uutkump umme beveurbield stokken oaver bieldende keunst beter te kunnen illustreren.

Redactie en mitwarkers

De redacteuren van Toal en Taiken bint of hebt ewest: Jan J. Boer, Jan Brouwer, Geesjen Doddema, Jur Engels, Wim Faber, Bé Linker, Wiebe van der Ploeg, Hans Spa, Kees Visscher en redactiesikketaoris Henri Wierth.

Veur 't historische diel is d'r een dielredactie, mit now of vrogger as leden: Jochem Abbes, Bert Dijkstra, Hidde Feenstra, Martin Hillenga, Piet Huizenga, Jan Oldenhuis en Harm van der Veen.

Deur de jaoren hen hef 't tiedschrift flink wat vaste mitwarkers ehad, onder aandern de veurmalige Grunneger streektaalfunctionaoris Siemon Reker.

In 1992 kreeg de redactie bi'j 't tienjaorig bestaon van Toal en Taiken de K. ter Laan Prijs an-elangd.

Bron

Fokko Veldman en Hanny Diemer (2008), 'De literatuur van Groningen'. In Henk Bloemhoff, Jurjen van der Kooi, Hermann Niebaum en Siemon Reker (red.), Handboek Nedersaksische Taal- en Letterkunde. Assen: Van Gorcum

Rifferenties

↑ *Stichting Grunneger Toal nuumt een oplage van 5200; 't Grunneger Cultuur Centrum nuumt een oplage van 3600.
↑ Zie veur dizze miening Veldman en Diemer, 2008. Ze tiekent an det Stichting 't Grunneger Bouk veur een groot diel van heur financiën ofhaankelk is van de verkoop van Grunneger boeken. Wieder mient ze det literair wark vake vanuut 'een taalpropagandistische optiek' ewogen wördt en niet op zeggingskracht, waorheidsgehalte of poëtische inhold.

Dit stok is eschreven in 't Zuudwest-Zuud-Drèents van de Drèents-Oaveriesselse grèensstreek.

[1] *Stichting Grunneger Toal nuumt een oplage van 5200; 't Grunneger Cultuur Centrum nuumt een oplage van 3600.

[2] Zie veur dizze miening Veldman en Diemer, 2008. Ze tiekent an det Stichting 't Grunneger Bouk veur een groot diel van heur financiën ofhaankelk is van de verkoop van Grunneger boeken. Wieder mient ze det literair wark vake vanuut 'een taalpropagandistische optiek' ewogen wördt en niet op zeggingskracht, waorheidsgehalte of poëtische inhold.

[1]

[2]