Teuge

Teuge is n darp in de Nederlandse provinsie Gelderland. t Darp ligt tussen Apeldoorne en Twelle in en maakt deel uut van de gemeente Voorst; der woont ongeveer 800 mensen. Teuge ligt an de N344. Naost landbouw en veeholderieje bint rekreasie en toerisme van groot belang.

Teuge is veural bekend vanwaegen t internasionale vliegveld Teuge. Hier he'j onder andere t Nasionaal Parasentrum Teuge en Vliegklub Teuge.

t Darp ligt in de Iesselvallei, op de Veluwe en an de rand van Salland. Dit is n gebied mit n landelik karakter. Jaorliks kommen duzenden mensen t per fietse verkennen. Ok t vliegveld trekt völle daggiesmensen. Teuge ligt niet verre van de staeden Apeldoorne, Daeventer en Zutfent.

Stasion

Teuge had vrogger n eigen treinstasion, stasion Teuge. t Wier in 1887 in gebruuk enaomen en is in 1935 eslaoten. t Spoorwachtershusien steet der nog en is enkele jaoren eleden weer helemaole op-eknapt. t Olde stasionsgebouw mit perron "Het hoge vonder" is in 1950 of-ebraoken.

Belangrieke gebeurtenissen

Op 2 augustus 1945 zetten prinses Juliana en heur deerns Beatrix, Irene en Margriet op vliegveld Teuge veur t eerst nao de Tweede Weerldoorlog voet op Nederlandse baodem. Ze wieren of-ehaald deur prins Bernhard. Ter herinnering hieran is der op 7 september 1985 n monument van de beeldhouwer Harry Meek onthuld deur prinses Margriet.

Boken aover Teuge

• Teuge "op den Toega" Teuge toen en nu, deur J.J. Speelziek, 1980
• Van op den Toega naar Teuge, deur J.J. Speelziek, 1990f

Referensies

Gemeente Voorst
Heufdplaatse Twelle Darpen Bussloo · Klarenbeek · Niebroek · Terwolde · Teuge · Voorst · Wilp · Wilp-Achterhoek Buurtschappen Appen · Duustervoorde · Gietel · De Karre · Klein Amsterdam · Noord-Empe · Posterenk · Spekhoek · Steenenkamer · De Vechte · De Wiek

Dit artikel is eskreaven in et oustveluwske dialekt van Wilp, in de Algemene Nedersaksiese Schriefwieze.