Tennessee (stoat)

Oet Wikipedie, de vraaie enzyklopedie
Gao naor: navigasie, zeuk
Tennessee op de kaarte van Amerika

Tennessee (sprek oet: tenne-SIEJ) is nen stoat in t zuudoosten van de Verenigde Stoaten. t hef n inwonnertal van 6.214.888 leu, woermet t op de 17de plek van de VS steet wat inwonnertal anbelangt. t Hef ne oppervlakte van 109.220 veerkaante kilometer, woermet op de 36ste plek van de stoaten steet. Op t noorden van Tennessee lignt de stoaten Kentucky en Virginia, op t oosten Noord Carolina, op t zuden Georgia, Alabama en Mississippi, en op t westen lignt Arkansas en Missouri.

De Appalachiese Boargen nemt n groot deel in van t oosten van de stoat, en de Mississippirivier is de westergreanze. De heuwdstad en tweedegrötste stad is Nashville met n inwonnertal van 626.144. De grötste stad is Memphis met 670.902 inwonners. Nashville hef skoonwal de grötste vuurstad, met 1.521.437 inwonners.

Tennessee keump oet de Watauga Oawereenkomst, ne greansoawereenkomst oet 1772, wat algemeen wörd ezeen as de eerste groondwettelike regearing ten westen van de Appalachen, The State of Tennessee is rooted in the Watauga Association, a 1772 frontier pact generally regarded as the first constitutional government west of the Appalachians.[1] Wat non Tennessee is, was vroger deel van Noord Carolina, en later van t Zuudwestelike Territorium. Tennessee wör as 16de stoat too eloaten töt de Unie op 1 juni 1796. t Was de leste stoat den't too treu töt de Confederasie van Amerika toew't n oorlog begun in 1861, en de eerste stoat den't noa n oorlog wier bie de Unie köm.[2] Tennessee leawerden de meeste soldoaten vuur t Confederasieleager van alle stoaten. In de stoat wör ook slim diskrimineerd. Zo is der in 1866 de Ku Klux Klan ontstoan in Pulaski, en in 1968 wör der Martin Luther King dood edoan in Memphis. In t 20ste joarhoonderd wör Tennessee van heuwdzakelik boernestoat ne wat diversere stoat, mangs ehulpen duur federale organen zo as de Tennessee Valley Authority. Vroo in de joaren '40 van t 20ste joarhoonderd wör Oak Ridge ebouwd um t Manhattan Project te huzen; ne stea woer't uranium wör verriekt um n eersten atoombom ter wearld te bouwen.

In Tennessee is de countrymuziek ontstoan, wat ne belangrieke rolle hef espöld in de oontwikkeling van rock en roll en de eerste bluesmuziek. Beale Street in Memphis wörd duur völle ezeen as de geboortestea van de blues, met mezikaanten zo as W.C. Handy, den't al in 1909 dee optreaden in bars.[3] In Memphis ha'j ook Sun Records, ne platenmoatskoppieje woer't muzikaanten zo as Elvis Presley, Johnny Cash, Carl Perkins, Jerry Lee Lewis, Roy Orbison en charley rich öaren loopbaan in de muziek begunnen, en woer't rock en roll onsteund in de vieftiger joaren.[4] De 1927 Victor opnames oet Bristol wordt ezeen as t begin van countrymuziek.[5] en n opkomst van de Grand Ole Opry in de dartiger joaren zorgen det Nashville t centrum van de countrymuziek wör.[6]

Tennessee's grötste wellen van inkomst zeent oonder mear boeren, fabrieken en toerisme. Tabak, katoen en sojabonen wordt t meeste verbouwd[7] en de produkten dee't t meeste oetvoord wordt zeent oonder mear chemikaliën, vervoorstuug, en elektriese apparaten.[8] t Grote Smoky Mountains Nasjonale Park, t drokst bezochte nasjonale park van de VS [9] ligt in t oosten van de stoat, en n deel van t Appalachiese Spoer löp ongevear t zelfde as de greanze tusken Tennessee en Noord Carolina.

Oetgoande verbeendige[bewark | bronkode bewarken]

Offisjele Stoatswebstea

Bronnen / wellen:
  1. John Finger, Tennessee Frontiers: Three Regions in Transition (Bloomington, Ind.: Indiana University Press, 2001), pp. 46-47.
  2. Tennessee's Civil War Heritage Trail. Eveunden: 25 November 2009.
  3. Bobby Lovett, Beale Street. Tennessee Encyclopedia of History and Culture, 2002. eveunden: 25 November 2009.
  4. Michael Bertrand, Sun Records. Tennessee Encyclopedia of History and Culture, 2002. Eveunden: 25 November 2009.
  5. Charles Wolfe, Music. Tennessee Encyclopedia of History and Culture, 2002. Eveunden: 25 November 2009.
  6. Ted Olson and Ajay Kalra, "Appalachian Music: Examining Popular Assumptions". A Handbook to Appalachia: An Introduction to the Region (Knoxville, Tenn.: University of Tennessee Press, 2006), pp. 163-170.
  7. Donald Winters, Agriculture. Tennessee Encyclopedia of History and Culture, 2002. Eveunden: 25 November 2009.
  8. James Fickle, Industry. Tennessee Encyclopedia of History and Culture, 2002. Eveunden: 25 November 2009.
  9. Great Smoky Mountains National Park. Offisjele webstea. Eveunden: 25 November 2009.