Oregon

Uut Wikipedia, de vrye encyklopedy
Zeet Oregon (duurverwiesziede) vuur aandere betekenissen van Oregon.
Oregon
Vlagge van Oregon Woapen van Oregon
Vlagge van Oregon Woapen van Oregon
Kaarte van Oregon
Kaarte van Oregon
Beawerstoat
Ofkorting OR
Tiedzone −8/−7
Informasie
Oppervlak laand 255.026 km² (2,4%)
Inwonners
- Dichtheid
3.970.239 (2013)
15 inw./km²
Geografie en bevolking
Too-etreaden 14 februwoari 1859
Kaarte van Oregon[1]

Oregon is nen stoat in et noordwesten van de Verenigde Stoaten. Et ligt in et westen an de Pacifiese Oseaan, op et noorden tegen Washington, op et zuden an Kalifornië, op et oosten an Idaho en op et zuudoosten an Nevada. De noordgreanze wörd vuur een beheurlik deel vastelegd duur den rivier de Columbia. De oostergreanze wörd etrökken duur de Snake River (Slangenrivier). De heuwdstad is Salem. De grötste stad is Portland. Met zinne vuursteaden hef dee stad 2.314.554 inwonners (2013). In Oregon wont 3.970.239 leu.

Der wonden verskeaidene Inheemse volker in Oregon vuurdet der Europese haandelsleu, verkenners en intrekkers kömmen. Britse en Fraans Kanadese vellenverkopers maakten verskel oawer wee as et heurden. Doarop wör in 1843 et Oregonlaand esticht. Op den 14den februwoari 1859 wör et den 33sten stoat van de Verenigde Stoaten.

Oregon hef een verskeiden laandskop. In et westen he'j de Pasifiese kustliene. Et ligt deels op de de Cascadeboargketten, dee zik oetstrekt vanoet Brits Columbia in Kanada töt an Oregon. Der zeent verskillende soorten woold, mangs moatig reagenwoold, loof- en noaldbeume en op de heugere groond de High Desert (Oregon) (Hoge Weuste). Det leste löp oawer et meeste van et oosten töt an et Grote Bekken. De grote koniferen zo as de Douglassparre in et reagenachtige westen stekt of bie de lechtere en dreugere Dannen- en Juniperbossen in et oosten. De völle Eelzen in et westen zorget vuur et nitrogeen van de koniferen. Vanoet et middeln van Oregon loopt der halfdreuge buskenwoolde, prairies, weusten, steppen en weaides noar et oosten.

Et heugste peunt van Oregon is Mount Hood. Nasjonaal Park Crater Lake is Oregon's ennigste natuurpark.

  1. Map of Oregon (PDF). Reston, Virginia: Interior Geological Survey, 2004