Oklahoma

Uut Wikipedia, de vrye encyklopedy
Vuur de gelieknamige plaatse in Pennsylvanië, zie Oklahoma (Pennsylvanië).
State of Oklahoma
Vlagge van State of Oklahoma Woapen van State of Oklahoma
Kaarte van State of Oklahoma
Kaarte van State of Oklahoma
The Sooner State
Ofkorting OK
Heufdstad Oklahoma City
Tiedzone Offisjeal: Sentroal; UTC−6/−5, Kenton: Barg; UTC−7/−6
Informasie
Oppervlak laand 181,195 km² (1.8%)
Inwonners
- Dichtheid
3,751,351 (2010)
21.1 inw./km²
Geografie en bevolking
Too-etreaden 16 növeamber 1907
Antal groafskoppen 77

Oklahoma (sprek oet: ookla-HO-ma) is ne stoat van de Verenigde Stoaten van Amerika. t Har bie ne telling in 2005 3.450.654 inwonners, op n gebeed van 181.196 km². De heuwdstad is Oklahoma City. t Woard Oklahoma keump oet de choctaw-sproake: okla beteeknt meanske, humma is rood. Te hope beteeknt det dan zovölle as "t laand van n roodn kearl". Oklahoma hef ok nen bienaam: The Sooner State. Dat hef dr met te doon dat de eerste kolonistn dee't t laand van de Indiaann ekocht hadn al met zeein begunn doo't ze doar nog geels gin toostemming vuur hadn (sooner = eer det).

Oklahoma mut t wat de finansiën angeet hebn van de luchtvoart, energieopwekking, telekommunikasie en biotechnologie. Doarnöast dut Oklahoma völle met eardgas, öllie en laandbouw. Oklahoma City en Tulsa zeent de belangriekste ekonomiese kernen van de stoat, woer't zowat 60% van alle inwonners wont.

Inwonners[bewark | bronkode bewarken]

6,8% van de inwonners van dissen stoat zeent Indiaann (det is 244.326 leu). Det is dudelik mear as in n duursnee van de Verenigde Stoatn. De belangriekste Indiaannstämme van dissen stoat zeent de Cherokee, de Chickasaw, de Choctaw, de Comanchen, de Kiowa en de Muskogee. 7,4% is Afrikaans-Amerikaans, 75,4% is blaank.

Völle inwonners stamt of van Duutsers, Iern, en Indiaann. Dr wordt 25 inheemse Indiaanse sproakn esprökn, t meeste van alle stoatn. Oklahoma ligt precies op ne stea woer at dree grote Amerikaanse kultuurstrekn te hope komt; t was vroger nen weg vuur veedriewers, n doel vuur zudelike kolonistn en n duur de regearing anweezn plek vuur de Indiaann. t Is ook ene van de meest konservatieve kristelike stoatn; t is deel van n Amerikaansen Biebelgördel.

Laandbeskriewing[bewark | bronkode bewarken]

Oklahoma steet op de 20ste plaatse wat stoatsumvaank angeet. t Beslöt n gebeed van 181.035km², woervan't 3.188 km² water is. Op t oostn lignt de stoatn Arkansas en Missouri. Op t noordn ligt Kansas, op t noordwestn ligt Kolorado. Op t westn ligt Niej Mexiko en op t zuudn en zuudwestn ligt Texas.

t Grötste deel van Oklahoma heurt bie de Grote Vlaktes (Great Plains) en de Amerikaanse Inlaandse Hooglaandn, woer't vake zwoar wear vuurkeump (onmeundig dreuge, zwoare störme, ezw.). t Hef völle bos, prairies en kleaine boargriegen. Oklahoma is opdeeld in 77 groafskopn of gemeentes:

De groafskopn van Oklahoma

Oetgoande koppeling[bewark | bronkode bewarken]