Smallville

Uut Wikipedia, de vrye encyklopedy

Smallville is n Amerikaanse tillevisieserie die eschreven is deur de schrievers/produsenten Alfred Gough en Miles Millar. t Is ebaseerd op t DC Comics-karakter Superman, dat oorspronkelik eschreven is deur Jerry Siegel en Joe Shuster. Op 13 mei 2011 was de alderleste aoflevering van Smallville te zien van seizoen tiene. De serie volgt de avonturen van Clark Kent (Tom Welling), die in t fiktieve darpjen Smallville woent in Kansas, in de jaoren veurdat e bekend wördden as Superman. De eerste vier seizoenen bin veural ericht op de middelbaoreschoeljaoren van Clark en zien kammeraojen. Nao seizoen vuve, kreeg t programma n meer volwassen verhaalliende, op t einde richtten t zich meer op zien wark bie de Daily Planet, en t inbrengen van aandere superhelden en misdaojigers uut de DC-stripboeken.

Smallville is veurnamelik efilmd in en rondumme Vancouver in Brits-Kolumbia, Kanada. De serie wördden over t algemeen goed bekeken en ewardeerd. t Had in Amerika gemiddeld zo'n 4,34 miljoen kiekers per aoflevering, en seizoen tweje mit t hoogste gemiddelde van 6,3 miljoen kiekers. Smallville is oek een van de langstlopende series die op n stripboek ebaseerd is, en de langstlopende Noord-Amerikaanse scifi-serie. De serie hef sinds t eerste seizoen verschillende toekenningen ewunnen, van Emmy Awards tot Teen Choice Awards. In april 2012 hef de serie in stripboekvorm opniej an-evöngen, t verhaalliende wörden op-epakt vanaof de leste aoflevering van seizoen tiene.

Rolverdelige[bewark | bronkode bewarken]

Welling wol eerst gien auditie doen veur de rolle van Clark Kent, mar kwaamp d'rop terogge toe as e 't dreiboek veur de proefoflevering leesden.
Durance was n paor dagen veurdat seizoen viere an-evöngen hef eerst an-eneumen. Heur rolle as Lois Lane was in t begin beteund deur de filmdivisie van Warner Bros. Studios.
  • Tom Welling speult Clark Kent, n jonge keerl mit bovennatuurlike krachten, die zien weg probeert te vienen in t leven, naodat e ontdekt hef dat e n buteneerds wezen is. Hij gebruukt zien gaven um aandere meensen die in meuilikhejen zitten te helpen.
  • Kristin Kreuk speult Lana Lang, vriendin van Clark Kent. Vanaof t zeuvende seizoen speult ze niet meer mee. In seizoen achte hef ze in n paor gastoptrejens emaakt in n koppel aofleveringen.
  • Michael Rosenbaum speult Lex Luthor, de jonge van n rieke zakenman. Naodat Clark zien leven hef ered wörden de twee kammeroajen. Laoter in de serie brokkelt dat n bietjen aof, totdat de twee viejaanden van mekaar bin.
  • Allison Mack speult Chloe Sullivan, een van Clarks beste kammeraojen. Ze hef in de serie n zwak veur Clark, mer dat geveul kömp niet van twee kaanten.
  • Annette O'Toole speult Martha Kent, Clarks adopsiemoene. Zee, en heur man Jonathan, geven Clark advies over hoe of e umme mut gaon mit zien krachten. In seizoen vuve, wörden ze staotssenaotvertegenwoordiger.
  • John Schneider speult Jonathan Kent, Clarks adopsievaor. In de 100e aoflevering is e uut de serie eschreven, in de serie krig e n hartanval.
  • Jensen Ackles speult Jason Teague, n van Lana, in seizoen viere. Hij volgt Lana naor Smallville, vanaof Paries, Frankriek, en wörden an-eneumen as assistent-voetbaltrener. Hij hef edaon ekregen bie schoele toe zien relasie mit Lana an t locht kwam. An t einde van t seizoen bleek dat e samenwörken mit zien moene um de dree Kryptoniese stenen van wiesheid op te sporen.
  • Cassidy Freeman speult Tess Mercer, Lex zien opvolgen van LuthorCorp in seizoen achte. In de seizoen tiene koemen we derachter dat ze de zus is van Lex Luther.
  • Callum Blue speult Zod, n eerdere versie van de misdaojiger van Krypton die verbannen is naor Phantom Zone-gevangenisse.

Uutgaonde verwiezingen[bewark | bronkode bewarken]

Dit artikel is eskreaven in et westveluwsk.