Shelta
| Shelta | ||
| Språke | Shelta, Gammen, Sheldru, Pavee, the Cant | |
| Land | Ierlaand, Groot-Brittanje en de Verenigden Staoten van Amerika | |
| Antal spreakers | 86.000 | |
| Språkindeyling | Indo-Europees
| |
| Skrivt | Latiens | |
| Status | erkende minderheidstaal in de Raod van Europa | |
| ISO 639-1 | - | |
| ISO 639-2 | cel | |
| ISO 639-3/DIS | STH | |
t Shelta is n mengtaal, en is de tradisionele taal is van de Ierse Reizigers (Irish Travellers), n Ierse bevolkingsgroep mit n nomadiese levensstiel. Aandere namen bin Gammon, Sheldru of the Cant.
De woordeschat is grotendeels ebaseerd op t Iers-Gaols (de woorden bin vake dervan aofeleid deur verwisseling van klanken, zo as oek in t Franse verlan). A'j naor de grammatika kieken, bin der liekewels veule overeenkomsten mit t Engels. Oek bin der wat invleujen van t Romani, hoewel de Ierse Reizigers zelf gien Roma bin.
In de hele wereld bin der zo’n 86.000 sprekers van t Shelta, waorvan 6.000 tot 25.000 in Ierlaand. De taal zol al sinds de 13e eeuw bestaon en sinds 1870 is t zwat “ekatalogiseerd”.
De benaming Shelta zol koemen van t Iers-Gaolse “siúlta” dat “wandelend/kuierend” betekent. Dat verwis vanzelf naor de nomadiese levensstiel van de Ierse Reizigers. Ze wördden vrogger in Engelaand The Walking People (de kuierende meensen) eneumd.
|
Dit artikel is eskreaven in et westveluwske dialekt van Nunspeet, in de Algemene Nedersaksiese Schriefwieze. |