Sheepstor

Oet Wikipedie, de vraaie enzyklopedie
Gao naor: navigasie, zeuk
Sheepstor Village.

Sheepstor is n dorp en civil parish an n westkaant van Dartmoor in Devon, Englaand. In 2001 wönnen d'r 53 menskn, det meender is as de 95 dee d'r in 1901 wönn. Öm veur ne bettere administroasie te zorgn is Sheepstor samn-veugd met de parishes Meavy en Walkhampton öm samn n Burrator Parish Council te vörmn, en veur verkiezign wör t met deezölfde parishes samn-veugd öm Burrator Ward te vörmn. Burrator Rservoir, det in 1898 an-legd is, leg neurdlik van t dorp en vörm n deil van de neurdgreanze van n parish.

n Noam Sheepstor is oft veröard seends n earstn kear de't nöamd wörre, noamlik ne pieperolle oet 1168 woarin d'r noar verweazn wör as Sitelestorra. In n dokumeant oet 1262 wör d'r noar verweazn as Skytelestor, in 1474 Shittestorre, in 1547 Shistor en in önnevear 1620 verweazn Tristram Risdon d'rnoar as Shetelstor now Shepstor. n Noam is woarskienlik af-leaidt van t Old-Angelse scyttel(s) det balk beteknt, wat ne verwiezige wean kän noar n vorm van t noabiej-legn Sheeps Tor.

Karke van Sheepstor[bewark | bronkode bewarken]

De dörpskarke, dee op-leg is an St Leonard, is baawd oet graniet en kömp oet n 15n joarhönnerd. n Kapel was woarskienlik al doar in 1240. De karke hef nen meujn doksoal den in 1914 deur n pastoor Hugh Breton moakt wörre boaseard öp teknign dee moakt warn van t origineal det biej ne restoroasie in n 19n joarhönnerd d'roet hoald war. Öp t karkehof bint James Brooke, Charles Brooke en Charles Vyner Brooke, de drea Witte Rajahs van Sarawak, samn met Betram Willes Dayrell Brooke, den ok n lid van n familie is.

D'r bint noe-an-n-dag zes beln in n karketor, woarvan d'r vief in 1769 moakt bint, en n zesdn in 1904 d'r biej hung is. Eann van de oldre beln hef de inskripsie "I call the quick to church and the dead to grave". Ne lokoale sage zeg det de beltaawn van de karke vreuger biej mekoar böndn war woarnoa zee noar beneajn zakt warn in Crazywell Pool, 3,6 km ten neurdeustn van Sheepstor, öm te kiekn hoo deepe t was. De sage zeg det de taawn wa 90 vadems deepe gungn zönner n beudem an te roakn, woardeur menskn geleufn gungn de't beudemleus was.

De karke is meardre kearn renoveard, woarvan de grötste in 1861 oet-veurd wör en dee £590 köstn.

Sheeps Tor[bewark | bronkode bewarken]

Sheeps Tor, woarnoar t dorp nöamd is, is nen good anweazign heuwel önnevear 800m neurdeustn van t dorp. n Peunt is 396m boawn N.A.P. en is eann van de promineantste tors in t gebeed.

Sheepstor in kultuur[bewark | bronkode bewarken]

In 2010 was Sheepstor eane van de filmlokoasies veur n film War Horse van Steven Spielberg, en t dorp kömp veur in eane van de luchtshots veur n trailer van n film öp 29 junie 2011.

Ömgeffige[bewark | bronkode bewarken]

Dichbiej-legn arkeologiese öpgroawign bint: