Polder
Oet Wikipedie, de vraaie enzyklopedie
.png)
Nen polder is nen gebeed dat leager ligt dan et umrengenden woater en woarvan den waoterstand kunstmoatig ereageld kan wödden. Polders wödden in et algemeen deurkruust mit woatergängen. Veur den woaterhuusholding is et noodzoakelek dat de sloten good deur künt streumen. Um hiervan zeaker te wean wödden de sloten 2 keer per joar bekekken: doar wöddt bekekken of et woater deep genög is en of doar geen woaterplanten in et woater stoan. Eigenoaren van laand grenzend an woater bunt verplicht um hun sloten te bekieken.
Nen polder is en waoterstoatkundigen eenheid, dat wil zeggen dat et geen verbinding hef mit et buutenwoater behalve deu kunstwarken. Nen poldermölle of gemoal (mangs meerderen) reagelt et polderpeil; deur inloaten kan (vers) woater wödden binnen eloaten. Nen polder is umrengt deur nen woaterkering.
In delen van nen polder kan nen hoger peil wödden ereageld. Dit wödt ereageld mit behulp van stuwen.
Nederlaand hef rundumme 3 doezend polders. De helfte van et polderoppervlak in Europa ligt in Nederlaand. Doar bestoan verskillenden soorten. De 3 belangrieksten bunt de drögmakeri-je, den indieking en den ontginning. Nen drögmakeri-je is nen inpoldering van open woater, bieveurbeeld nen meer of plasse, dat letterlek is drög-emaakt. Nen indieking is nen inpoldering van geti-jdengebeed längs den kuste of nen revier. Hierbi-j gaeet et um nen gebeed dat al tiedelek drögveel en deur indieking veur altied dröge blef en in kultuur ebreg kan wödden. An den kuste geet et mangsmoal um kwelders, längs den revier um veurmoaligen uuterweerden. Nen ofgroaving is in kultuur ebregten woosten groand, biev. nen veurmoalig brook-, veen-, heide- of duungebeed. Dit hüf gene polder te wean: hier is allenig sproake van as et gebeed veur altied bemoalen möt wödden.
[bewark] Trivia
Nederlaand wödt in binnen- en buutenlaand mangs verbunden mit polders. Dit wödt uut-edrökt deur et Engelsen gezegde: God created the world, but the Dutch created Holland. alsmet deur et Poldermodel veur nen kenmarkende Nederlaandsen benoadering op den politeek.
[bewark] Nedersaksisch
- Algemeen: polder
- Grunnegs: pôlder, poller
- Stellingwarfs: poolder
- Tweants: po(o)lder
