Plektrum

Uut Wikipedia, de vrye encyklopedy
Verskeidene vörme van plektrums. Den linksen is speciaal vuur nen Turksn Saz.

Een Plektrum (mearvoold plektrums of plektra) is een stukken kunststof of been van tusken de 2 of 3 cm groot, um snaarinstrumenten met te bespöllen. Spöllers holdt een plektrum tusken doem en wiesvinger en striekt der met oaver de snaren van bievuurbeeld nen gitaar of banjo, zodat de snaren trilt en der geluud ontsteet. In de Byzantiense Encyclopedie Suda oet et 10de joarhonderd steet dat et plektrum in et 6de joarhonderd vúúr Kristus is oet evunden duur lierdichteresse Sappho.

Plektrums he'j in alle denkboare kluren, vörme en diktes. Wo dikker et plektrum, wo dikker en härder et geluud. 'n Spöller kan noar egenen smaak zelf kiezen wat vuur ne dikte bie um past. Rechtevoort maakt ze plektrums meesttieeds van kunststof, mear in et verleden wörden ze ook wal es van onder mear skildpeddeskild maakt.

Vuur verskillende spölstielen kan een doemplektrum handiger wean. Disse kunststof plektrums zittet an nen rink, wa'j um 'n doem könt skoeven. Dan he'j de andere vingers vriej um de snaren ene vuur ene an te raken.

Met de komst van de smartphone warren plektrums ook een tiedje populair um met op et skoarm te tikken. De leu slateren nog wal es met de pennekes dee't der mangs bie zatten met hen en et plektrum was met een töwken an 'n telefoon te maken.

Bekeande moarkn[bewark | bronkode bewarken]