Pennsylvanies-Duuts

Oet Wikipedie, de vraaie enzyklopedie
Gao naor: navigasie, zeuk
Pennsylvanies-Duuts
Blaauw: counties met de grötste proporsies sprekkers. Reud: counties met de grötste antaln sprekkers.
Blaauw: counties met de grötste proporsies sprekkers. Reud: counties met de grötste antaln sprekkers.
Spraoke Pennsylvanies-Duuts
Laand Vereanigde Stöate van Amerika; Kanada
Taalgebeed Pennsylvania; Ohio; Indiana; Ontario
Antal sprekkers mear as 250.000
Taalklassifikatie Indo-Europees
Skrift t Latiense alfabet
Taalkode ISO 639-1 n.v.t.
Taalkode ISO 639-2 n.v.t.
Taalkode ISO 639-3/DIS pdc

De Pennsylvanies-Duutse sproake (Engels: Pennsylvania German of Pennsylvania Dutch, Pennsylvanies-Duuts: Deitsch of Pennsylvania Deitsch of Pennsilfaanisch Deitsch) is ne sproake dee sprökn wörd deur onnevear 250.000 sprekkers in Noord-Amerika. t Is nen variejeteait van de West-Mirreduutse sproakn, dee in ok in Rheinland-Pfalz sprökn wordt. De Pennsylvania Duutse immigraantn oet de Pruus en Zweetserlaand van de 17de en 18de joarhönnerden warn de mensken dee de sproake metbrach hebt noar Amerika hen, woarnoa zee zeent goan woonn in de Amerikaanske stöate Pennsylvania, Virginia, Maryland en Noord Karolina.

A'j hier könt zeen verwis n noame Dutch hier nich noar t Neerlaands hen, moar noar t Duuts. Zee denkt de't zoo öntstoan is as de sprekkers de sproake Deitsch nömt, en det det wa völle lik öp t Engelse woard Dutch, det wier bedoold was as ne algemiene deurverwiejzige noar t Hollaandse woard Duits öf Diets, det hier Duuts het.

Noe-an-n-dag kö'j de sprekkers nog veendn in n Kanadeensen proveensie Ontario en in de Amerikaanse stöate Pennsylvania, Ohio en Indiana. Vrögger was t dialek nog sprökn in n völle grötter gebeed, moar zoo a't vrögger was is t noe öp völle pläkke biejnoa öf zölfs höllemoal vort. Öp de plattelaandsgebeedn was t tiejdns n tweaden wearldkrieg nog wa völle sprökn moar is doarnoa ok good öp t önner an-goan. Der zeent noe wa twea kaarkegreupe dee nog mangs wa t dialek sprekt en doar good met deurgoat.

Der zeent in Noord-Amerika ok greupe dee't Plautdietsch sprekt, moar dee sproake is heal oars a't Pennsylvanies-Duuts.

Nuvola apps ksig.png Dit artikel is eskrewen in t Twaents.