Noord Leegsaksisch

Oet Wikipedie, de vraaie enzyklopedie

Toalkundege iendailen van t Noord Leegsaksisch: Gron. (Grunnegs en Westerkertiers), Ofr. (Oostfrais Leegsaksisch), N. Old. (Noord Oldenbörgs), S. Old. (Zuud Oldenbörgs), Un.Elb. (Onderelvisch, Heidjers en Hambörgs), Holst. (Holstains en Ditmaarsers), Slesw. (Sleeswieks en Aiderstees)

Noord Leegsaksisch of Noordsaksisch is ain van de dialektgroepen van t Leegsaksisch. t Noord Leegsaksisch wordt ien Nedersaksen en aandere dailstoaten van Duutslaand proat en is ain van de bekìndste Nederduutse dialektgroupen. t Wordt dan ook zain as Standerd Leegsaksisch ien Duutslaand, omdat t ien n groot en zìntroal dail van Noord-Duutslaand sproken wordt en t makkelkst oet tou spreken is veur de rest van Duutslaand. Mit de oetbraaiden van de Leegsaksische toal op de radio en wiedkieker het t Noord Leegsaksisch n staark standerdiseerde funksie veur t Platduuts overnomen.

Bie oetbraaiden kin man t noordelkste Leegsaksisch ien Nederlaand (Grunnegs, Westerkertaaiers, Noordenvelds, Stellenwaarfs) ook zain as Noord Leegsaksisch.

[bewark] Dialekten

Tot de grootste Noord Leegsaksische dialekten beheuren onder aandere:

• t Sleeswieks
• t Hambörgs
• t Holstains
• t Onderelvisch
• t Heidjers
• t Bremers
• t Oldenbörgs
• t Oostfrais Leegsaksisch
• t Grönnegs
• t Stellenwaarfs (ook wel zain as West Leegsaksisch)