Noord Karolina (stoat)

Oet Wikipedie, de vraaie enzyklopedie
Gao naor: navigasie, zeuk
Noord Karolina op de kaarte van de VS

Noord Karolina (sprek oet: noord kärre-LAI-na of noord ka-ro-li-na, Engels: North Carolina) is ne stoat in t zuudwesten van de Verenigde Stoaten. Op t zuden van de stoat lignt de stoaten Zuud Karolina en Georgia, op t westen ligt Tennessee en op t noorden ligt Virginia. Op t oosten ligt n Atlantiesen Oceaan. Noord Karolina besteet oet 100 groafskoppen (counties). De heuwdstad is Raleigh en de grötste stad is Charlotte.

Noord Karolina was ene van de originele Britse Darteen Kolonies, en heten eerst de Proveensie Carolina. Skoonwal, de eersten dee't der bouwen warren Spaanse kolonietroepen, dee't der Fort San Juan toozatten in 1567. Dit was bie Joara, n gebeed van n indiaansen Mississippistam, kort bie t hudige Morganton in t westelike binnenlaand van de stoat.[1] Dit was twentig joar vúúrdet de Britten kömmen met öare eerste kolonie bie Roanoke Island] in öare poging ne neerzetting te bouwen in Amerika.[2]

Op 20 mei 1861 verkloarden zik Noord Karolina onofhaankelik van de Konfederasiestoaten um de Amerikaanse Börgeroorlog, en treu wier too op n 4den juli van 1868.

Noord Karolina was de plek woer't n eersten succesvollen vlocht met n vleegtuug plaatsveund duur de Wrightbreurs op 17 december 1903. Rechtevoort gröait de stoat onmeundig hard. Op 1 juli 2009 har de stoat ongevear 9.380.844 inwonner (ne tooname van 16.7% seend 2000). Met 8 Inheemse stämme hef Noord Karolina t grötste antal Inheemsen van alle stoaten ten oosten van de Mississippirivier.

Noord Karolina hef n groot heugteverskil, van zeespegelheugte an de kuste, töt 2.037 meter heugte in de boargen. De vlaktes bie de kust wordt beïnvloedt duur n atlantiesen Oceaan. t Grötste deel van de stoat vaalt in t vochtige subtropiese klimaat. t Westelike boargachtige deel van de stoat, 500 kilometer oet de kuste, hef n subtropies hooglaandklimaat.

Oetgoande verbeendiges[bewark | bronkode bewarken]

Stoatswebstea

Bronnen / wellen:
  1. Constance E. Richards, "Contact and Conflict", American Archaeologist, Spring 2008, p.14, Eveunden op 26 juni 2008
  2. The Colony At Roanoke The National Center for Public Policy Research. Eveunden: 23 februwoari 2008