Mountainbiken (sport)
Mountainbiken (sprek oet: MOUN-tun-bai-k(u)n, letterlik oet et Engels: baargfietsen) of terreinfietsen is ne sport woerbie as leu met spesjaal anpaste fietsen duur roewe laandskoppen fietset. Et wörd meestal zeen as ne ziedtak van de wielersport. Leu doot et völle vuur de wille, mer der zeent ook völle wedstrieden en zelfs wearldkampioenskoppen. Mountainbiken wörd mangs ofkort töt MTB, of ATB (All Terrain Biking). Seend 1996 is et nen Olympiesen Sport.
De sport is tusken 1960 en 1970 ontstoan in Kalifornië in de Verenigde Stoaten. Oonderwiel zeent doaroet veer vaste soorten mountainbiken ontstoan: crosscountry, downhill, enduro en freeride. Crosscountry wörd mangs ook veeldrieden eneumd.
Pädte
[bewark | bronkode bewarken]
Der zeent in Nederlaand ongevear 170 spesjaal anlegde MTB-pädte, met meestens vasten vörm. Disse zeent indeeld in verskillende gröade van zwöarte. Ene van de zwöardere MTB-pädte in et Nedersaksiese gebeed is et Bergherbos in et Achterhookse Zeddam. Nederlaandse Mountainbikers wiest oonder mear et nieje mountainbikepad van et Tweantse Riessen an as ene van de top-10 pädte van Nederlaand.