Metronoom
Oet Wikipedie, de vraaie enzyklopedie
n Metronoom is n apparaat wat in de meziek wördt gebroekt um de tel van de meziek an te geewn. Mezikaantn gebroekt t um de moate van de meziek te hooldn of snelheaid te bepoaln. t Woord is saamn esteeld oet twee Griekse wöarde: Metron wat moate beteeknt, en Nomos wat ofsteln beteeknt.
De eerste metronooms warn mechanies. Dee wordt nog altied wal verkoch, mear de elektroniese metronooms beent rechtevoort mear in trek, umdèt dee mear meugelikheedn hebt en makkeliker beent met te nemn.
t Idee van n metronoom is oet eveundn duur Ditrich Nikolaus Winkel oet Amsterdam in 1812, en is wieter oet ewoarket duur n Duutser Johann Mälzel in 1816. Hee bedach n vorm zo as den non nog bekeand is.
[bewark] Woarking
Mechaniese metronooms woarket net as ne klokke: Ze hebt nen (rechtopstoanden) slinger woeran n gewicht haank. Den slinger geet hen en wier, woerduur n tiknd geluud wördt emaakt. Dèt gef t tempo an. Duur t gewicht umhooge te zetn beweg n slinger laankzamer hen en wier, woerduur n laankzamer tempo wördt an egeewn. Sommige metronooms köant, as anduudege van n moatsoort, um de zovölle tikn n belken loatn kleenkn.
Van elektroniese metronooms bestoat hele seempele vèrsies ongevear zo groot as nen pinpas, tot hele ingewikkelden, zoas n Dr. Beat. De seempeln köant net zo völle as n mechaniesen (alleene seempele moatsoortn angeewn), en de ingewikkeldn köant ook appatte moatsoortn angeewn, of verskilnde ritmes duur mekoar ofspöln. n Dr. Beat kan zelfs de moate (in t Engels) metköjern.
[bewark] Oetgoande verbeendege
- www.metronomeonline.com (Engels) ne Webstea met nen verstelboarn metronoom
 |
