Madonna (zangeres)

Oet Wikipedie, de vraaie enzyklopedie
Gao naor: navigasie, zeuk
Foto van Madonna uut 2008

Madonna Louise Veronica Ritchie Ciccone, geboren op 16 augustes 1958 bie Detroit) is n Amerikoanse popzangeres, danseres, schriefster, actrice en songwriter. Ze wordt ook the queen of pop nuimd, dat gain onterrechte bienoam is. Zie domineert al zo'n 25 joar de hitliesten en is de bestverkopende vraauwleke artiest aller tieden.

Biogroafie[bewark | bronkode bewarken]

Vrouge joaren[bewark | bronkode bewarken]

In 1958 wuir Madonna in Bay City, n ploatske bie Michigan's heufdstad Detroit geboren as oldste van 6 kinder. Heur voa, Sylvio (of Tony) Ciccone, is Italioans en heur moe, Madonna Ciccone-Fortin, was van Frans-Kanadees.

Madonna gruide op in Rochester, n veurstad van Detroit. In 1963, overlaid heur 30-joarege mouder aan kanker. Madonna was dou nog mor 5 joaren old. Heur voader hertraauwde mit de hoesholdster, Joan Gustafson. Madonna begriept heur voader nait. De dood van heur moe en de misverstanden tuzzen heur en heur voader hebben n enörme inpact had op heur. Dit is ook trugge te vinden in laidken as Oh father, Keep it together, Inside of me en Mother and father dij zai loater schrieven zoll.

As kind volgt Madonna piano- en balletlessen. Op school dut zai aktief mit aan de artistieke aktivitaiten. Noa de middelboare school krigt zai n studiebeurs veur de Universitait van Michigan. Noa twij joar (1978) verleut zai de universitait om mit 35 dollar in n taxi te stappen noar Times Square in New York.

Begun van heur affeer[bewark | bronkode bewarken]

Doar begunt Madonna's profesjonele daans- en akteeraffeer. Zie speult in n körte film en speelt in verschillnde punk-bandkes. As zai de bruiers Warner tegen komt, kriegt zai n ploatenkontrakt en moakt heur eerste album "Madonna". Singles van dit album waren Everybody, Holiday, Borderline, Burning up en Lucky Star. Veural Holiday was n grode hit dat tegenswoordeg nog aal ain van Madonna's perseunlieke favorieten is. t Imago van Madonna was "stroatwicht" en "boy toy". Dit heul zai ook bie de singel Like a Virgin aan. Dizze singel en album mit dezölfde noam worden voak zain as heur grode deurbroak. As aine zegt: "Like a virgin, touched for the very first time" den wait elk dat t om Madonna gait.

Noa t oetbrengen van de single Like a Virgin, kwam Madonna mit heur volgende grode hit "Material Girl", n titel dij zai tot nau tou nog aal mit zoch mit droagt. De video was Madonna, in tegenstellen tot de vurrege video's, in n wereld van Hollywood, style, sieroaden, körtom "the material world". De video was inspireerd deur de film Men want mit Marilyn Monroe. Op de set van Material Girl komt zai akteur Sean Penn tegen, woar Madonna loater dat joar heur joa-woord aan geft.

In datzölfde joar speulde Madonna in de film Desperetly seeking susan, woarvan zai de soundtrack meuk Into the groove. Dit wuir ook ain van heur grootste hits ooit. Dizze kwam op de heroetgoave van Like a Virgin. Wieder kwamen de singels Dress you up en angel nog oet van t Like a Virgin album. Noa dij singles gong Madonna op tour, de Virgin tour. Dit was heur eerste tournee mit nog wat simpele optredens.

Noa dizze tour en n andere film, mit twij grode soundtrack hits Crazy for you en Gambler, begon zai in 1986 mit t "True Blue Album" n serieuze affeer as zangeres. Binoa alle singles wuiren succesvol. Versies as Live To Tell, La Isla Bonita, Papa Don't Preach en Open Your Heart worden deur elk oet dij tied wel heugd. Papa Don't Preach zörgde veur de eerste ophef rond heur. t Laidke gait over tienerwizze, n onderwaarp dat gevuileg lag in dij tied.

In 1987 speult Madonna in de film Who's That Girl, woarvan zai ook n soundtrack moakt. t Laidke Who's That Girl wuir n grode hit, moar de andere singles The Look of Love en Causing a Commotion wuiren minder suksesvol. Noa dizze singles gong zai weer op tour, noamelk heur Who's That Girl Tour.

Moaker:Frank Bruno, Madonna aan t kruus tiedens Live To Tell

2006[bewark | bronkode bewarken]

Tiedens heur Confessions tour haangt Madonna aan n kruus en droagt zai n doornkroon, tiedens t laidke Live to Tell. Dit zörgde veur wereldwied ophef onder kristenen en kristelke laaiders. In Duutslaand riskeerde Madonna zölfs n gevangenisstraf van 3 joar. Ook in Nederlaand perbaaierde de SGP jongern de vertonen van Madonna aan t kruus te veurkommen. Minister Donner van Justitsie en de gemainte Amsterdaam zeggen dat zai t optreden nait verbaaiden kennen.

Madonna het in oktober 2006 n raaize moakt noar Malawi, n klain Afrikoans laand. Doar het zai n kind adopteerd, nuimd David. t Zörgde veur veul onrust in de wereld, omdat n hailboel mìnzen dochten dat Madonna dit enkeld veur de publisiteit. Madonna het, as reaksie doarop, heur aigense verhoal doan bie Oprah Winfrey, woarin zai vertelt aal hail laank n daarde kind te hebben willen. Zai wol n kind oet de daarde wereld helpen n kaans om te leven baiden.

Diskografie[bewark | bronkode bewarken]

  • Madonna 1983
  • Like a virgin 1984
  • True blue 1986
  • Who's that girl? (soundtrack) 1987
  • You can dance 1987
  • Like a prayer 1989
  • I'm breathless 1990
  • The immaculate collection 1990
  • Erotica 1992
  • Bedtime stories 1994
  • Something to remember 1995
  • Evita (soundtrack) 1996
  • Ray of light 1998
  • Music 2000
  • GHV2 (Greatest hits volume 2) 2001
  • American life 2003
  • Confessions on a Dance Floor 2005
  • I'm going to tell you a secret (live) 2006
  • The Confessions Tour, Live From London (live) 2007

Boetende hìnwiezen[bewark | bronkode bewarken]

Wikimedia Commons Commons: Madonna (zangeres) - plaetjes, filmkes en/of geluudsbestaanden.