Marilyn Monroe
Marilyn Monroe (1 juni 1926 – 5 augustus 1962) was ne amerikaanse aktrise, zangeres, en model. As kind hef ze völle in pleaggezinnen ezetten. Monroe is eure loopbane begonnen as model, wat leidden tot n filmkontrakt in 1946. Eure eerste rolle was dee van Evie in den film Dangerous Years oet 1947. Eure eerste rollen waren klein, moar eur akteerwark in The Asphalt Jungle en All About Eve (beide oet 1950) wodden deur de kritisi good opevat. Monroe wodden ne steureg grotere sterre deur et spöllen in films as Gentlemen Prefer Blondes, How to Marry a Millionaire, Some Like It Hot, en The Seven Year Itch. Eur optreaden in Bus Stop wodden alderbastend waardeerd door de filmkritisi , en zeee won nen Golden Globe Award veur eur wark in Some Like it Hot.
De leste joaren van eur leaven wodden ovverskaduuwd deur zeekte en problemen in eur privé-leaven. Eur oet de tied kommen, deur te völle medisienen, is met vroagen en meugeleke teoriejen umgevven. Offisjeel heten et "woarskienlek zelfmoord", moar de meugelekheid van ovverdoses (al dan neet bewust), en ok moord of doodslag bunt neet defenetief oet eslotten.
