Kim Jong-un

Uut Wikipedia, de vrye encyklopedy
Kim Jong-un (2018)

Kim Jong-un (n 8sten jannuwoari 1984[1]) is de jungste zönne en opvoolger van oold-diktator Kim Jong-il as vuurzitter van de Nasjonale Defeansiekommissie van de Demokratiese Volksreppubliek Korea en doarmet de fakto leader van Noord-Korea. Duur de Koreaanse Arbeiderspartieje wörd he ook wal n Briljaantn Kameroad eneumd.

De dinge dee't bekeand zeent oawer Kim Jong-un zeent skimmig en onzeker. Jong-un's euldsten breur Kim Jong-nam gung met n vaals paspoort noar Japan um Disneylaand te bekiekn, en n middelsten breur Kim Jong-chul was volgens Kim Jong-il ne kwenne, woerduur't zinne keuze völ op Kim Jong-un as zinnen opvoolger. In juni 2009 wör an konsulaatn en ambassades evroagn öare trouw an Kim Jong-un te verkloarn.

Kim Jong-un zol noar de International School of Berne hebn ewest in Gümligen bie Bern in Zwitserlaand, woerduur't he Duuts, Zwitserduuts, Engels en Fraansk zol sprekn. Hee zol ook skiën hebn eleard. Hee har dr nen skoelnaam Chol-pak.[2]

Promosie en meugelike opvoolging[bewark | bronkode bewarken]

De analistn meann vanof 2010 at he aal belangrieker mos wordn in t machtsstelsel, umdet hee aal vakerder met zien vaa met gung op offisjele inspeksies. Dr gungn al verhaaln at hee de macht zol kriegn per september 2010, en dr wördn van aal soortn woonderlike verhaaln oawer um de wearld in ehulpn.[3]

n 27sten september 2010 wör Kim Jong-un beneumd töt veerstearnsgenneraal. Dit wör edoan op n kongres van de Arbeiderspartieje, wat vuur t eerst in dartig joar wier eheuldn wör. Bie dit kongres wör n naam Kom Jong-un vuur t eerste neumd duur de stoatsmedia, mer nog nit meteen in verbaand ebracht met Kim Jong-il.[4] Nöast de genneraalspost kreeg he twee belangrieke aandere pöste binn de Arbeiderspartieje. Hee wör beneumd tot vicepresideant van de Sentrale Militeare Kommissie en kreeg ne zetel in t Sentrale Kommitee van de Arbeiderspartieje. Zin vaa bleef nog wal vuurzitter van de Defeansiekommissie, mer de promosies wördn wal ezeen as ne vuurbereaiding op machtsoawerdracht. Kim Jong-il zol oardig slecht wean.[5] Bie t kongres wör dr vuur t eerst ne foto van Jong-un eteund duur de stoatsmedia.[6] n 8sten oktober 2010 wör dr offisjeel bekeand emaakt at t opvoolgen duurgaank zol hebn.[7]

Met at Kim Jong-il oet de tied köm, wörd dr an enömn at Jong-un non de fakto stoatsheuwd is. t Offisjele stoatsheuwd is nog aait zin grotvaa, Kim Il-sung, den't in 1994 oet de tied köm.

Op n 21sten dezember 2011 wör bekeand at Kim Jong-un de macht geet deeln met t leager en met nen eum, Yang Song-thaek, den't nen zwoager is van Kim Jong-il. Det beteeknt at Kim Jong-un nit echt nen diktator wörd, mer mear nen kollektivisties besteur hef.[8]

Bronnen / wellen:

welle:

  1. Dit wörd duur n Japanse vrogeren soesjie-sjef van Kim Jong-il, Kenji Fujimoto, en völle aandern as geboortedoatum eneumd. Aandern beweart at he in 1983 is geboorn.
  2. Noord-Koreaan Kim wijst zoon aan als opvolger. NU.nl, 2 juni 2009
  3. Zoon Kim Jong-il wordt klaargestoomd. De Pers, 18 augustus 2010
  4. Kim Jong-il blijft partijleider, promotie voor zoon. NRC Handelsblad, 28 september 2010
  5. Kim Jong-il op partijcongres. Reformatorisch Dagblad, 28 september 2010
  6. Noord-Korea toont foto Kim Jong-un. NOS Nieuws, 30 september 2010
  7. NKorean official confirms Kim Jong Un as leader, The Guardian, 8 oktober 2010
  8. Nu.nl. Kim Jong-un deelt macht met oom en leger. 21 dezember 2011. Bekekn op 21 dezember 2011.