Hilgelo

Hilgelo in den winter

In den Achterhook, an de weg van Wenters noar Meddo lig t Hilgelo. t Is een natuurgebeed van 36 bunder groot, woarvan 18 bunder water is, en 6 bunder strand en ligweide. T Hilgelo wödt deur de Duutsers dee tr völle komt, ok wal as Meddosee an-eduud.

Gescheedenisse

t Hilgelo is ontstoan as zandafgraving, in de joaren 1965-1975. Doarnoa is t meer en meer gebroekt veur recreatie. Deurdat de zandafgravingen nog deurgoat, wödt t gedeelte water nog altied groter.

Vandage

t Hilgelo hef ne belangrieke recreatieve functie: meer as 140.000 bezeukers per joar komt dr um te zwemmen, in de zunne te liggen, of vermaakt zich op de campings in de buurte. Dr bunt waterfietsen, surfplanken, kano's enzowieter te huur.