Dominikaanse Reppubliek

Oet Wikipedie, de vraaie enzyklopedie
Gao naor: navigasie, zeuk
República Dominica
Vlagge van República Dominica
Woapn van República Dominica
Kaarte van República Dominica
Kaarte van República Dominica
Informasie
Sproaken Spaans
Heufdstad Santo Domingo
Laand en inwonners
Oppervlakte 42.442 km²
Inwonners ong. 10 miljoen
Koördinaoten 19° 0′ N, 70° 0′ WKoördinaoten: 19° N, 70° W
Oaverig
Munteenheid ({{{valutakode}}})
Web | Kode | Tel. .do | DOM | +1809/+1829/+1849

Iej mut de Dominikaanse Reppubliek neet duur mekaar haaln met t eilaand Dominika

De Dominikaanse Reppubliek (Spaans: República Dominica, oetsprökn as [reˈpuβlika ðominiˈkana]) Is nen stoat op t eiloand Hispaniolia, deel van de eiloandngroep de Grote Antillen in t Karibies gebeed. n Daarde deel van t eiloand heurt an n stoat Haïti, woerduur at Hispanjolia ene van de twei Karibiese eiloandn is woer at twei stoatn op lignt. Op Kuba noa is de Dominikaanse Reppubliek n grötsten Karibiesen stoat met 48.442 kilometers in t veerkoant an loand en ongevear 10 miljoen leu.

t Loand wörd seend t zuuwnde joarhoonderd al bewoond duur de taíno-indiaann. In 1492 köm dr Kristoffer Kolumbus an. Den stichen dr de eerste bliewnde Europese neerzettige in de Nieje Wearld, dee at he Santo Domingo neumdn. Det is noe de heuwdstad van de Reppubliek en t was vrauer Spanje's eerste heuwdstad in de Nieje Wearld. In Santo Domingo stoat, net as zovölle eerste dinge in de Nieje Wearld, de eerste universiteat, kathedroale en kasteel. Dee leste beale stoat in t Ciudad Colonialgebeed, wat op de wearldaarfgoodlieste van UNESCO steet.

Drei joarhoonderte loank heurdn t Spanje tau, en in körte tuskentiedn ook an Froankriek en Haïti. In 1821 köm t op zikzelf, mer wör rap innömn duur Haïti. In 1844 wun t loand de Dominikaanse Onofhoankelikheadsoorlog, mear dau köm t vuur 72 joar wier oonder Spaans beweend, woernoa t neet heel best met de Reppubliek gung.

Van 1916 töt 1924 wör de Reppubliek bezat duur de Verenigde Stoatn. Doarnoa gung t oonder Horacio Vásquez Lajara reelik good vuur 6 joar, tötdet n diktator Rafael Leonidas Trujillo Molina de macht oawernöm, en töt an 1961 allene hearsen dee. In 1965 was dr nen börgeroorlog den't töt n eande köm duur ingriepn van de VS. Doarnoa nöm van 1966 töt 1978 n volgenden alleenhearser t oawer; Jaoquín Balaguer. Seend dee tied geet t dr in de Dominikaanse Reppubliek reelik Demokraaties tau, oonder leadige van Leonel Fernández.

De Dominikaanse Reppubliek keump wat ekonomie angeet op de tweide plaatse in t Karibies gebeed. Lange dreaidn t op de hoandel in suker, mear rechtevoort keump t mear op deensten an. n Ekonomiesn vuuroetgoank blik oet t vernemstige loandelike tellekommunikaasienetwaark. Doar stoat tiegnoawer t grote antal leu wat bie de dure löp, de umkoopberhead van de regearige en t onbetrouwbere stroomnetwaark. t Loand lidt ook oonder "inkomstenongeliekhead".

t Loand hef ook te liedn van de völle migroantn dee at komt en goat. Vuural t antal immigroantn oet Haïti is beheurlik: t wörd eskatt det dr zo 800.000 leu met Haïtaanse vuurooldn in de Dominikaanse Reppubliek wont. Doartiegnoawer trekt völle Dominikaann vort, vuural noar de VS, woer at dr oonderwiel al zowat 1,3 miljoen wont. Disse leu helpet t loandelik inkomn wal, want ze steurt de seantn dee at ze verdeent terugge noar de femilie in de Reppubliek. Doarmet haalt ze één-tiende deel van t Dominikaanse BNI.

De Dominikaanse Reppubliek is oetgröaid töt de grötste toeristentrekker van t Karibies gebeed. t Hele joar duur kö'j dr golf spöln, woer at völle leefhebbers op ofkomt. Ook steet in de Dominikaanse Reppubliek de heugste baarg (Pico Duarte) en ligt dr t grötste meer (t Enriquillomeer) van t Karibies gebeed. Wieters is t bekeand um de mooie en verskeadene natuur dee'j dr trefn köant. Duur mekaar is t dr t hele joar duur 26 °C.

Vuur de Dominikaann zeent muziek en sport onmeundig belangriek. Merengue is duur vuurmoalig diktator Trujillo oetreupn as nasjonaaln doans en muziekstiel, en hoonkbal is de meestspölde sport.


Wikimedia Commons Commons: Dominikaanse Reppubliek - plaetjes, filmkes en/of geluudsbestaanden.