Merengue

Oet Wikipedie, de vraaie enzyklopedie
Gao naor: navigasie, zeuk

Merengue is nen vlotn, bliejn muziek- en daansstiel oet de Dominikaanse Republiek. Doar is t onmeundig populair, mear ook in de rest van Latiens-Amerika en Spanje.

t Woord Merengue is feaitelik Spaans vuur "geklopt eiwit met suker" en doarumme te vergeliekn met t Engelse meringue. t Is neet helemoal dudelik woerumme of ze vuur dissen naamn ekeuzn hebt, mer wellicht hef t te maakn met de daansstiel, den wat weg hef van nen eierklutser.
Merengue wör roond 1920 "oet eveundn" duur Ñico Lora, nen Dominikaan met Spaanse vuurooldn. Mer t wör pas echt populair toew at diktator Rafael Trujillo t oetreup töt nasjonale daans- en meziekstiel.

In de VS wör t populair duur Angel Viloria en zinne meziekgroep Conjunto Típico Cibaeño. Ene van de bekeandste hudige merengue-zängers wearldwied is Elvis Crespo, den't in 2003 met zinnen groten hit Suavemente köm.

Muziek[bewark | bronkode bewarken]

Kenmoark van Merengue is ne 2/4 moatsoorte, en onmeundig hoog tempo.

Van vroger oet wör Merengue espöld met nen tambora, guïra en trekzak. Rechtevoort komt door meestieds ook konga's, bongo's, keyboard, timbales, basgitaar en verskeaidene bloasinstrumeantn bie.

Bekeande merenguemuzikaantn beent oonder mear Juan Luis Guerra, Elvis Crespo, Johnny Ventura, Kinito Mendez, Miriam Cruz, Fernandito Villalona en Las Chicas Del Can.

Oetgoande verbeendige[bewark | bronkode bewarken]