Dikke ries

Oet Wikipedie, de vraaie enzyklopedie
Gao naor: navigasie, zeuk
Dikke ries

Dikke ries (ien t Hollaands bekend as rijstepap) is t ainegste autochtone riesgerecht ien Nederlaand en wordt veurnoamelk eten op t plattelaand boven de grote revieren. t Wordt moakt deur dessertries ien mèlk te koken, bit de mèlk opzogen is deur de ries en t n dikke brij is. Ien Grönnen wordt t waarm eten as heufdmoaltied. Man flijt den n bultje dikke ries op t bred en moakt ien de middente n koeltje. Hierien dut man n klontje butter en bestrooit man de haile boudel mit kaneel en broene sukker. Ien t westen van Nederlaand wordt t ook wel eten as dessert, môr den lôt man minder mèlk opzoegen deur de ries en eet man t kold. Ien dat gevaal is t gain dikke ries mit mèlk, môr dikke mèlk mit ries.

Ien Noord-[[Duutslaand]] en Skandinoavie wordt ook dikke ries op n verliekensboare menaaier eten, mòr ien Skandinoavie heur t gerecht typisch bie de kìrstdoagen.