Bekn (muziekinstrumeant)

Oet Wikipedie, de vraaie enzyklopedie
(deurestuurd vanaof "Bekn (meziekinstrumeant)")
Gao naor: navigasie, zeuk
Splashbekn van t moark Sabian

Bekns beent roonde, kopperne, lecht bolnde skiewn dee in de muziek gebroekt wordt. Ze beent nit estemd en vaalt oonder de kategorieje slagwoark. Ze wordt bespöld duur ze teegn mekoar te houwn, klapn of striekn, of duur dr met trommelstökke op te houwn. Ze beent dr van ongevear 15 cm duursnee tot 80 cm.

Bekns beent in 3 deeln te verdeeln:

  • komme (ne stoarke bolling in t mideldn van t bekn. Dit gef n hoog Ping-geluud a'j dr met stökke op houwt)
  • bolling (ook wal de ''wang" eneumd. t Middeln van t slaggedeelte)
  • raand (bie sommige soortn lecht eböagn)

Geschiedenis[bewark | bronkode bewarken]

Bekns bestoat al zolange de leu iezer köant maakn. In t oolde Egypte beent modeln van bekns eveundn dee't stoark op de huudige soortn liekt. In de grafkiste van de mummie Ankhhape, n healigen mezikaant oet dee tied, beent oonder mear n stel bekns eveundn. Ook de oolde Assyriërs en Perzen hadn öare eegne soortn. De Griekn hadn n apart soort, den allene mear oet ne komme besteun. Disse zeent völle op beskilderde vaazn en in beeldn oet dee tied te veendn.

Gebroek[bewark | bronkode bewarken]

Orkestbekns[bewark | bronkode bewarken]

Elk orkest hef wal n stel bekns. Ze beent bedoold um n tel te hooldn of ne bepoalde stemming of spanning in de muziek te geewn. Ze wordt ook gebroekt um bepoalde deeln in de muziek kracht bie te zetn. Dit kan duur bievuurbeeld met viltne stökke n crescendo te maakn.

Haandbekns[bewark | bronkode bewarken]

Dit soort hef n learn baand duur de geater in de komn. Hiermet köant ze in de haande eheuldn wordn en teegn mekoar ehouwn wordn. Disse wordt duur orkestn en muziekkorpsen gebroekt. Dr zeent onmeundig völle verskilnde geluudseffektn oet bekns te haaln. Duur ze op mekoar te legn kö'j dr verskeaidene korte sis-geluudn met maakn. Duur ze teegn mekoar te houwn keump dr t bekeande crash-geluud oet. Duur ze langs mekoar te striekn kö'j dr verskilnde ruusnde of zelfs krasnde geluudn oet kriegn.

Nöast t muzikale effekt köant bekns ook nog visueel gebroekt wordn, duur lecht te kaatsen of duur ze an de learne beandkes um de haandn of poolsn te zweein.

Bekns op nen standaard[bewark | bronkode bewarken]

Dit beent feailik gewone crashbekns, mear dan op ne standaard monteerd. Dit soort wörd völle in drumsteln gebroekt en hef zin oorsprong in jazz. Op disse manere kö'j bekns met ene haande bespöln en he'j n aandern nog vrie vuur de rest van t drumstel.

Bekeande moarkn[bewark | bronkode bewarken]

  • Paiste
  • Sabian
  • Zildjian
  • Sonor
Nuvola apps ksig.png Disse pagina is eskreewn in t Riesns