Bas Nijhuis

Nijhuis in 2017

Hendrikus Sebastiaan Hermanus (Bas) Nijhuis (Eanske, 12. januari 1977) is nen vootbalskeidsrechter un televisypresentator uut Neaderland. Hee düt seyd 2005 floiten in de Eredivisy.

Selv dea Nijhuis as jünken ouk vootballen. By RKSV VOGIDO un De Tubanters 1897 in Eanske. Med vyvteen jår floiteden hee syne eyrste wedstryden. Seisoon 2005/06 kreag Nijhuis syne A-ståtus as KNVB-skeidsrechter. Ouk butenlandse wedstryden vråget se em vöär: byvöärbeald in 2008 leidden hee de UEFA Champions League-wedstryd tüsken Arsenal un Liverpool. Up den 18. oktober 2011 makeden hee syn debuut in de UEFA Champions League in de wedstryd tüsken Olympiakos un Borussia Dortmund. Up den 21. december 2011 was Nijhuis baas oaver beakerwedstryd tüsken Ajax un AZ. In de 37. minute wör den stille legd üm en vöärval med eyne van de tokykers. Up 23. december 2013 haalden de UEFA Nijhuis terügge uut de lyste vöär skeidsrechters by interlandwedstryden. Hee must weaderümme van de Elite Development-grupe når category I. Synen streakgenout Björn Kuipers mocht anblyven. 2015 mocht Nijhuis as noch med in de elitegrupe, mär vlöög der in 2017 weader uut. Vanaf 2021 is et med Nijhuis helemål dån med butenlandske wedstryden. In 2022 haalden se em van de internationale lyste.

Oktober 2017 bracht Nijhuis en book uut (med hülpe van Eddy van der Ley). In Niet zeiken, voetballen! hevt hee verskillende verhalen uut syne loupbane upeskreaven. Vanaf february 2018 düt hee ouk en televisyprogramma presenteren: Arctic Challenge Tour up RTL 7. By de vootbalpråterye van Veronica Inside skuvt Nijhuis mangs an üm met to küeren as et oaver skeidsrechterssaken geyt. Seyd 2. mei 2019 is Nijhuis eyne van de anjagers vöär de Roparun.

Nijhuis steet bekeand as nen skeidsrechter dee völ doorspöllen löt en nich te rap flöt bie fysiek spel of harre tackles.

Bökerlyste

• 2017 Niet zeiken, voetballen!