Asgard

Oet Wikipedie, de vraaie enzyklopedie
Gao naor: navigasie, zeuk

Asgard (Oldnoords: Ásgarðr) is in de Noord-Europese mythologie de plaatse woar de Asen en Asinnen (de goden) wonden, dee los wodt ezene van de weald woar de mensen wont (Midgard), en zich of in de ruumte, of in et centrum van de weald bevund. Allenig de weald-as Yggdrasil deurdrönk alle sferen (wealden) in de Noordse kosmogonie en verbundt zie op disse manere in de deepte van et heelal.

Asgard wöd deur ne unoaverkommeleke mure umgaeven, ebouwd door nen reus, noa den krieg mit de Wanen. Zee ok Svadilfari.

Den enige verbinding tussen Midgard en Asgard is deur de Bifröstbrugge, ne reagenboogbrugge, dee deur Heimdall bewaakt wöd.

Eursprong en nut[bewark | bronkode bewarken]

Asgaard wöd in de Noord-Europese mythologie ebouwd deur Wodan en ziene breurs mit de hulpe van enkele Thursen. Dit was noadat de oerweald in den Ginnungagap zich deur de warking van vuur en ies evörmd had en noadat de meeste oerreuzen waren ummekommen deur et opofferen van dee oerweald (Ymir).

Et centrum van Asgard is et Idavoll veld. Doar in dat centrum leet Wodan (of Odin) n paleis Gladsheimr bouwen mit nen troon veur zichzelf Hlidskjalf, vanwoar hi-j op alle 9 wealden kan uutkieken, en nog 12 aandere tronen veur Asen dee hi-j beneumden om samen mit um te heersen. Veur de Asinnen wöd der et paleis Vingolf ebouwd en later veur de helden ok et Valhalla.

Et bunt dee plaetse woar de Goden vergoadering heelden oaver belangrieke dingen. Dageleks kwamen zi-j ok bi-j mekare bi-j den Bron van Urd onderan den wortel van den wealdboom Yggdrasil om doar den drank der wiesheid te drinken.

Den steenreus Hrimthur bouwden de mure in et veuruutzicht as belonning doarveur Freya as vrouwe, net as de Zunne en de Moan te meugen bezitten. Op listigen road van Loki wöd deur de Asen nen oaverenkumst mit um emaakt dat den helen bouw in krap 6 moanden kloar zol motten wean, iets wat ze voor onmeugelek oetvoerboar aanzaggen. Hrimthur nam dee veurweerden an, as e ok zien peerd Svadilfari moch bruukn.

Tot groten schrik van de Asen lek Hrimthur et kloar zullen spöllen et wark binnen den gestelden termien af te hebben, want net dree dage veur den slottermien ontbrak nog enkelt ne poortenboage. Toon veranderden Loki zich in ne merrie en verleidden den hengst Svadilfari den mit de merrie n tiedken vortging. (De merrie baarden doarnoa Wodens hengst Sliepnir). De reus kon zien kontrakt dus neet noakommen en leet zich roazend van hellegheid as reus gelden, woarnoa Thor um mit zienen magiesen hamer kapotheeuw.

Asgard is nen reusachtigen vestenburcht, n soort hemelriek, mit as belangriekste bestaanddelen de 12 paleizen van de goden woarvan Grimnismal vertelt. Dee 12 hemelburchten zollen uut gold en edelsteen emaakt wean, de gewelven uut golden speren. Muren en vloeren mit gold bedekt, en op den daeke straalt schilden van helden in plaatse van de zunne en moan. Et hoes van Thor, Thrudheim, wödt neet tot de heamelburchten erekkent, want dee steet te kort bi-j de eerdse weald en göf de grenze an tussen Asgard en Midgard.

De 12 Paleizen en eure bezitters[bewark | bronkode bewarken]

De riege is alfebeties edoane:

  1. Alfheim, ("Alfenheim") Freyrs Paleis
  2. Breidablik, ("Breedglaans") Baldrs Paleis
  3. Folkvang, ("Volksplein") Freyja's Paleis mit Zale Sessrumnir
  4. Gladsheimr, ("Vreugdeweald") Woden Paleis mit Zale Walhalla
  5. Glitnir, ("Glitter", Stroalenden) Forseti's Paleis
  6. Himinbjörg, Heimdalls Paleis
  7. Nóatún, ("Skeepsploatse") Njörðrs Paleis
  8. Sökkvabekkr, ("Deeptebeake") Saga's Paleis
  9. Thrymheim, Skadi's Paleis
  10. Valaskjálf, Vali's Paleis met Wodens troon Hlidskjalf
  11. Vidi, Vidars Paleis, ok Landwidi ("Laandwiedte")
  12. Ydalir, Ullrs Paleis

Volgens F.Aswynn bunt dee in Grimnismal geneumde 12 paleizen van de Asen gelieke mit den 12 tekkens van den dierenreem. Glitnir as verblief van Forseti zol dan bi-jveurbeeld oaverènkommen mit et tekken Weagschoal, umdat dizze godheid veur eavenwicht en gerechtigheid steet (Blätter von Yggdrasil, pag. 164).

Aandere belangrieke mythiese plaetse in Asgard[bewark | bronkode bewarken]

  • Fensalir, Friggs Paleis
  • Vingolf, den Verzoamelhal van de Asinnen
  • Idavoll, ("Idaveld"), ne smidse, centraal anvangsplein van opbouw van Asgaard.
  • Bifröst, de reagenboagbrugge, dee Asgard mit de mensenweald Midgard verbund.

Bronnen[bewark | bronkode bewarken]

  • Snorri Sturluson, Proza-Edda 2:2, 2:3, 2:9, 2:14, 2:49, 2:53, 3:1, 3:1b, 3:4, 3:17, 3:18, 3:33, 3:34, 3:35.

Andere spellingswiezen[bewark | bronkode bewarken]

Zee ok[bewark | bronkode bewarken]