Ooldnoors

Oet Wikipedie, de vraaie enzyklopedie
Gao naor: navigasie, zeuk
Verspeaidige van t Ooldnoors um t joar 900.
Rood: Westooldnoors
Oranje: Oostooldnoors
Lila: Ooldgoties
Blaauw: Krimgoties
Greun: Aandere Germaanse sproaken
Gel: Ooldengels

t Ooldnoors is nen naam vuur alle Noordgermaanse sproaken en dialekten te hope, dee't zo tusken de joaren 800 (begintied van de Noormänne) töt ongevear 1350 in Skandinavië, en töt ongevear 1500 op de verskeaidene eailaanden sprökken wörden. Öaren vuurloper was t Oernoors.

Skoonwal t eerst allene in Deanemaarken, Noorweagen, Zweden en de zuudwestkuste van Finlaand sprökken wör, breaiden zik t Ooldnoors duur de Noormänne oet töt op de Orkney- en Shetlaandeilaanden, delen van Skotlaand, Ierlaand, t middeln van Engelaand, de Faeröer, Ieslaand en gedeeltes van Greunlaand.

In t Ooldnoors wörd skeaid emaakt tusken t Westoldnoors en Oostooldnoors, oonder mear um de Oostnoorske kleenkerveraandering van nen tweeklaank noar nen eankelklaank. t Westooldnoors umvat Ooldnoors, Ooldieslaands en Ooldfaröars. t Oostooldnoors umvat Oolddeans, Ooldzweeds en Ooldgoties, dee't töt in t 13de joarhoonderd hoaste geliek warn.

Disse sproaken wörden in de Middeleeuwen allemoal dönsk tunga (Deanske tonge) neumd. De oonderzeukers stelt in de vrooe töt de late middeleeuwen disse sproaken geliek met t Ooldsassies en t Ooldengels.

t Ooldnoors verdween duurdet dr bepoalde klaankverskoewings inkömmen, bepoalde morfologiese verbugings verdwenen, en völle Neersassiese wöarde wörden oawer enömmen.

Oetgoande verbeendige[bewark | bronkode bewarken]

Wikimedia Incubator Ooldnoorse test-Wikipedie op Wikimedia Incubator.