Akrotiri en Dhekelia

Uut Wikipedia, de vrye encyklopedy
Lokoatsie binnen Zyprus

Akrotiri en Dhekelia (Grieks: Ακρωτήρι, Δεκέλεια; Törks: Agrotur, Dikelya), binnen twai gebieden op t aailaand Zyprus, dij nait bie de republiek Zyprus heuren. Dizze gebieden stoan bekend as t Souvereign Base Area en heuren tou Groot-Brittanje en binnen militaere gebieden. In dizze gebieden gelden dan ook de Britse wetten. Zie hebben n aigen politsie, braandweer, douane, winkels, restauraants en n gevangenis. t Het ook Britse stroatnoamen.

De gebieden binnen overbliefsels van de Britse kolonie op t aailaand. Noadat t Veraind Keunenkriek Zyprus aofnomen haar van t Ottomoanse riek in 1878, wör t aailaand n Brits protektoroat. Ien 1960 kreeg Zyprus heur onaofhankelkhaid. Akrotiri en Dhekelia bleven Brits, wegens t grote verlet dat t VK haar ien de regioon (Izrel en t Suezknoal). 14 joar loater wollen de Griekse Zyprioten zuch bie Griekenlaand vougen, wat laaide tot n börgeroorlog. t Aailaand wör verdaild in Törks Noord-Zyprus en Grieks Zuud-Zyprus mit doar tuzzenin n neutroale zone. Akrotiri en Dhekelia wörren nait beïnvloud deur dizze opdailing en bleven neutroal. De Törkse troepen dij Noord-Zyprus holpen tiedens de börgeroorlog vuilen de enkloaves ook nait aan, om konflikten mit t VK te veurkommen.

Foto-oetstallen[bewark | bronkode bewarken]

Boetende heanwiezen[bewark | bronkode bewarken]

Dit artikel is noch maar en beginnetje. Help mid döär et uut to breiden.
Dit artikel is skreaven in et grönninger dialekt van de Veenkolonies, in de Algemene Nedersaksiese Schriefwieze.