Bron bekyken van Zwartewatersklooster

{{Zie dv|Veur et middelieuwse klooster moe'j bi'j [[Zwartewaterklooster]] wezen.}}
'''Zwartewatersklooster''', ok '''<nowiki>'</nowiki>t Klooster''', is een [[buurtschop]] in de gemiente [[Zwärtewäterlaand|Zwattewaeterlaand]], in de Nederlaanse perveensie [[Oaveriessel|Overiessel]]. De buurtschop lig in de [[Kop van Overiessel]] en hef de naeme van et [[Zwartewaterklooster|klooster]] dat daor in de middelieuwen lag. De buurtschop hef een stok of vuuftien huzen en zo'n veertig inwoners.

==Ligging==
De buurtschop lig rond de gelieknaemige weg, ten zuudoosten van [[De Sluus]], ten noorden van [[Asselt]], ten oosten van et [[Zwärte Wäter|Zwarte Waeter]] en de perveensiaole weg [[N331]] (De Sluus-Asselt) en ten oosten van de buurtschop De Velde. Geografisch bekeken is Zwartewatersklooster een [[esdörp]], elegen op een olde oeverwal van et Zwarte Waeter. In et oosten greenst de buurtschop an et netuurgebied de [[Olde Maoten]] in de gemiente [[Stappest|Stapperst]].

==Geschiedenis==
Et Zwartewaterklooster of Mariënklooster was een nonnenklooster dat in et jaor 1233 losedaone wodden as boetedoening veur de in 1227 in de [[Slag bi'j Aone]] ommekomen bisschop van Utrecht, [[Otto van Lippe]]. Op et end van de 16de ieuw, toe as et kloosterleven deur de [[Reformasie|Riffermaosie]] tot een ende ekomen was, hebben ze et klooster ofebreuken.

Töt 1811 völlen de buurtschoppen Zwartewatersklooster, [[Kievitsnest]] en [[De Velde]] onder et Scholtambt [[Asselterkarspel]]. In dat jaor wodden ze bi'j de gemiente Asselt edaone. In 1818 wodden ze daorvan ofesplitst en kwamen ze onder de gemiente De Sluus te valen. Bi'j de opheffing van die gemiente in et jaor 2000 kwamen ze bi'j de ni'je gemiente Zwattewaeterlaand.

De buurtschop Zwartewatersklooster vaalt now, ok veur de postadressen, onder et dörp De Sluus. Hoe dan ok vienen de bewoners van De Velde en Zwartewatersklooster heurzelfs gien Sluzigers of Asselters: de beide buurtschoppen hebben heur eigen identiteit.

==Bronnen==
*[https://web.archive.org/web/20230926080012/https://www.plaatsengids.nl/zwartewatersklooster Plaatsengids.nl over Zwartewatersklooster]

{{Dia|Dit stok is eschreven in et [[Stellingwarfs]] van de Kop van Overiessel.}}

[[Kategorie:Stellingwarfs artikel]]
[[Kategorie:Zwärtewäterlaand]]