World Geodetic System
Et World Geodetic System is nen standard, den gebroekt wöd bi-j et maken van kaarten (kartografie, geodesie, en navigasie). Et systeem besteet oet een koordinoatenstelsel veur de eerde, een standard bolvormeg referensieoppervlak (ok wal doatum of referensieellipse eneumd) veur rowwe heugtegegeavens, en een oppervlak met gelieke potentiele zwoartekracht (de geode) dat et nominoale zeenivo beskrif.
De leste versie neumt ze WGS 84 (ontstoan in 1984 en is veur et lest bi-j ewarkt in 2004), rond 2010 zal disse versie weer verni-jd wodden.
Belangriekste kenmarken
[bewark | bronkode bewarken]As middelpunt van et koordinoatenstelsel wöd et massamiddelpunt van de eerde enommen, den dampkring metenommen. Anenommen wöd dat de nauwkeuregheid van dit middelpunt minder as 2 cm is.
De lengtegroad van den nul-meridioan kump oaverèn met de IERS Referensie Meridioan, den in de buurte ligt (~102m oostelek) van den Greenwhich meridioan.
Den doatum is ne ellipse met nen stroal a = 6.378.137 m ter heugte van den evenoar, en nen stroal b = 6.356.752,314245 ter heugte van de polen, dus ne afplatting in de richting van de polen van zon 21 km.
As leste, et zwoartekrachtoppervlak wöd beskreven deur ne wiskundege vergelieking met bolkoordinoaten in de 360e groad.
Ni-je versies
[bewark | bronkode bewarken]Der bunt verskeidene versie van WGS ewest, en bi-jwarken blif neudeg. Dat kump umdat de eerdskollen ten opzichte van mekare beweagt, en bi-jveurbeeld Europa dus steureg ni-j koordinoaten hef.