William Z. Shetter

William Z. Shetter (17 augustus 1927) is een Amerikaanse taalkundige. Hij is opeleid an de University of Pennsylvania en de University of California en hef les egeven an de University of Wisconsin, Bryn Mawr College en Indiana University. Shetter hef hum bezigeholden mit de cultuur en talen van de Nederlaanden en de geschiedenis van de taalkunde.

Bijdrage an Nedersaksische studies

An de Nedersaksische taalkunde hef Shetter bijedreugen mit zien artikel aover 't Zwols, 'Phonemics of the Zwolle Dialect: Synchronic and Diachronic', det in 1958 verscheen in Language, 't miest gezaghebbende tiedschrift op 't gebied van de taalwetenschoppen. Dit artikel kwaamp töt stand naodet hum de taalkundige G.G. Kloeke miteneumen had naor Zwolle.

Nao zien pensionering is Shetter hum gaon bezigholden mit contemplatie. Hij is lid van 't Religieus Geneutschop van Vrienden (de quakers).

Uutegeven warken

• 'Phonemics of the Zwolle Dialect: Synchronic and Diachronic', in Language, jk. 34, nr. 1
• The Pillars of Society: Six Centuries of Civilization in the Netherlands (1971)
• Dutch: An Essential Grammar (mit Esther Ham)
• The Netherlands in Perspective: The Organizations of Society and Environment
• Introduction to Dutch: A Practical Grammar
• 'Contemporary Explorations in the Culture of the Low Countries' (mit Inge Van der Cruysse, in Publications of the American Association for Netherlandic Studies, jk. 9, 1995)
• Some Thoughts on Becoming Eighty-five
• My Conversation with Sophia (iUniverse, 2014, ISBN 1491745029, ISBN 9781491745021)

Externe Links

• De William Z. Shetter Bloomington Monthly Meeting Papers gehouden in de Friends Historical Library van Swarthmore College

Dit stok is eschreven in 't Zuudwest-Drèents.