Valbrugge
Ne valbrugge is ne bewaegboare brugge. Zi-j dreajt um de horizontale y-asse, loodrechte op et wegdek.
De valbrugge kump veurnaomelek veur bi-j kastelen, moar ok bi-j sommige stadspoorten is de valbrugge too-epast. De valbrugge verbundt et kasteel of de stad mit et umrengende gebeed. As de brugge los is en de brugge dus aoverende steet, is et kasteel of de stad ofeslotten van de buutenweald.
An beide punten van de valbrugge zit nen kabel of ketten. Deur twee geate in de mure bunt dizze kabels verbönden mit n oprolmechanisme. Mit hulpe van dit oprolmechanisme wöd den kabel op-erold en de brugge op dee wieze weer noar boaven etrokken.
Uut de valbrugge is later de ophaalbrugge ontstoan. In teagenstelling tot de valbrugge hef ne ophaalbrugge teagenwicht, zodat et losmaken van de brugge veul makkeleker geet.
Bronne
[bewark | bronkode bewarken]Henk de Jonge en Nico Muyen. 2000 jaar Beweegbare Bruggen. Uitgeverij Elmar B.V., Rijkswijk MXMV. ISBN 90-389-0286-7