Bron bekyken van Streumoog

[[Bestaand:Position of Streymoy on Faroe map.png|thumb|Ligging Streumoog]]
[[Bestaand:Streymoy map.jpg|thumb|Kaorte van Streumoog]]
'''Streumoog''' ([[Faeröars|Faeröers]]: ''Streymoy'') is t grootste (373,5 km²) en dichtstbevolkte eilaand van de [[Faeröer]], waor oek de heufdstad [[Tórshavn]] ligt. 

==Geografie==
t Eilaand hef n langwarpige vorm en strek zich roewweg uut over n noordwest-zuudoost-asse, mit n lengte van 47 kilometer en n breedte van zwat 10 kilometer. Der bin twee diep insniejende [[fjord]]en in t zuudoosten: Kollafjørður en Kaldbaksfjørður. Veural in t noordwesten is t eilaand bargachtig, mit t hoogste punt, Kopsenni (789 m). Dat gebied wörden deur tot 500 meter hoge kliffen edomineerd. Liek as in de rest van de archipel bin der veule kleine streumpjes en kleine meren (vandaor de naam Streumoog). De belangriekste vegetasie is [[gres]], en der bin haost gien bomen.

Streumoog wörden van t naobie-elegen [[Oosteroog]] (t tweede grootste eilaand van de Faeröer) escheien deur de smalle [[Sundini]]-[[zeestraote]] in t oosten. Aandere eilaanden die dernaost liggen bin [[Vágar]] (westen) en [[Zaandoog]] (zujen). Dree kleindere eilaandjes liggen an de zujelike punt van Streumoog: [[Koltur]], [[Hestur]] en [[Nolsoog]].

==Bevolking==
Zwat 21.000 meensen woenen op t eilaand, wat neerkömp op meer as 40% van de bevolking van de Faeröer. De meerderheid van dervan woent in de heufdstad [[Tórshavn]], mit zo'n 15.000 inwoeners. Naost de [[regeringszetel]] is t oek de belangriekste haven, de lokasie van de universiteit en t kommersiële sentrum van de eilaanden. Aandere belangrieke plaotsen bin [[Vestmanna]], de veurmaolige veerhaven in t westen, [[Kollafjørður]] in t sentrum en de pittoreske darpen [[Saksun]] en [[Tjørnuvík]] in t noorden. Vanuut histories oogpunt is t darp [[Kirkjubøur]] an de zuudpunt van t eilaand van belang, deurdat t n [[bisschopszetel]] was in de [[middeleeuwen]].

==Vervoer==
Alle kernen bin via wegen mit mekaar verbunnen. De belangriekste weg naor [[Tórshavn]] leit deur n 2,8 kilometer lange tunnel. De verbiending mit [[Oosteroog]] verlöp via n brogge over de Sundini-straote, terwiel sinds 2002 n 4 kilometer lange tunnel Streumoog mit t eilaand [[Vágar]] verbient, waordeur de wegen van de dree heufdeilaanden mit mekaar verbunnen wördden.

Der bin regelmaotige veerdiensten naor de eilaanden [[Zaandoog]] en [[Zujeroog]]. Zoemers gaon der oek regelmaotig veerdiensten naor [[Hanstholm]] in [[Denemarken]], [[Lerwick]] op de [[Sjetlaandeilaanden]] ([[Schotlaand]]), [[Bargen (Noorwegen)|Bargen]] in [[Noorwegen]] en [[Seyðisfjörður]] in [[Ieslaand]].

De [[Lochthaven Vágar]], die op t gelieknamige eilaand ligt, is t enigste vliegveld van de Faeröer. Daorvandaon ku'j naor welende internasionale bestemmingen vliegen in Denemarken, Ieslaand, Noorwegen, t [[Verienigd Keuninkriek|Verenigd Koninkriek]] en [[Zweden]]. Veerder wörden vanaof t vliegveld helikopterverbiendingen onderhouwen mit welende Faeröerse eilaanden.

==Gemeenten op Streumoog==
*Kvívíkar kommuna
*Sunda kommuna
*Tórshavnar kommuna
*Vestmanna kommuna

==Galderieje==
<gallery>
Bestaand:Faroe Islands, Streymoy, Kollafjørður and Signabøur.jpg|Signabøur (rechts) en Kollafjørður (midden) an de gelieknamige fjord
Bestaand:Faroe Islands, Streymoy, Kirkjubøur (1).jpg|Kirkjubøur
Bestaand:Bryggjubakki, Tórshavn (5).jpg|In t sentrum van Tórshavn
Bestaand:Saksun, Faroe Islands (5).JPG|Vallei bie Saksun
Bestaand:Vestmanna, Faroe Islands (7).JPG|Vestmanna
</gallery>

==Uutgaonde verwiezingen==
*{{commons|Streymoy|Streumoog}}

{{Coordinate|NS=62/7/54/N|EW=7/1/10/W|type=isle|region=FO}}
{{Dialekt|wvel|Nunspeet|Algemene Nedersaksiese Schriefwieze}}

[[Kategorie:Faeröer]]