Zoerik

In Zoerik heet den "heelweg" op Duuts groandgebeed "Helweg"

Zoerik (Nederlands: Zuiderwijk, Duuts: Suderwick) is n darp in Duutslaand, gemeente Bokelt, op de grenze mit Nederlaand. Op 1 januari 2005 hadden zie 1.863 inwonners.

Tweelingdarp

Et darp vörmt mit et Nederlandse Dinsper (gemeente Aalten) n tweelingdarp: de landsgrenze löp dwars deur den bebouwden kom en volgt veur n groot deel den Heelweg, dee tot an de stoepe Nederlandse groandgebeed is. Et is doarmet de enige plaatse woar Duutse börgers in ne Nederlaandse stroate wont. Doar is sinds olde tieden sproake van deepgoande grensoaverschriedende samenwarking. Uutzunderlek moar neet uniek is et gezamenlek Nederlaands-Duutse politieburo in Dinsper. En de Zoerikse kinder goat doar noar de Nederlaandse basis-skole.

Nederlaandsen annexatie

In 1949 wöd et grootste deel van Zoerik, samen met wat andere Duutsen grensdarpen en -gebeden deur Nederlaand annexeerd bi-j wieze van schadeloosstelling veur den Tweeden Wealdkrieg. In 1963 wodden et wier an Duutslaand trög-egoaven en hereanegd mit den rest van et darp. In 1969 wodden Zoerik as zelfstandege gemeente op-eheaven en bi-j Bocholt edoane. Deur et Verdrag van Schengen is de zichtbaore grenze tussen Zoerik en Dinsper vort egaone.