Bolwark (stad)
Een bolwark, rondeel of dwinger is nen uutbouw in nen verdaedigingsmure of -wal van woaruut zi-jlings eschotten kon wödden tiedens den stried.
Et woord bolwark wödt oaver et algemeen ebruukt as Nedersaksiese benaming veur n bastion. In aandere toalen wödt mangs 'n duudeleker verskil emaakt tussen bolwark en bastion. De benaming bolwark ku-j wieter veur aandere soorten verdaedigingswarken gebroeken, bi-jveurbeeld rondeel of bastei (zoas dee wee-t deur Albrecht Dürer waarn untwörpen). Ok n eerden verdaedigingswark veur de stadspoorte, zoas ze wal ebouwd wodden um stadsmuren te verstarken teggen kanonnenvuur, wödden 'bolwark' eneumd.
Een bolwark is mangs in oppervlaak groter en uutgebreider as nen waltoorn.
Et woord kan ok in nog algemeneren zin gebruukt wodden um n belangriek punt (fort of vesting) in ne verdaedigingsliene te beneumen.
In et Fraans wodden et woord bolwark oaver-enommen as boulevard, um doarmet nen breedn wegge op den veurmaligen vestingwal an te gaeven. Later wodden dee uutsproak ok wal gebruukt veur nen langen, breedn weg in et algemaen. In dizzen uutleg is boulevard wier oaver-enommen in et Nederlaands.
