Planeet

Uut Wikipedia, de vrye encyklopedy
(döärstüürd vanaf "Planeten")

n Planeet is n hemellichoam dat voldut aan vaaier veurwoarden. n Planeet:

  1. Bevindt zok in n boan rond n zunne;
  2. Het n massa dij groot genog is om hydrostoatisch evenwicht te bewaarkstelligen (n planeet is doardeur noagenog rond);
  3. Het de omgeving van heur boan schoonveegd van aandere objekten;
  4. Het n atmosfeer.

Op de IAU-konferentsie van augustus 2006 wuir de bovenstoande definitsie aannuimen om hemellichoamen binnen ons zunnesysteem te klassifiseern. Hierdeur verluir Pluto de stoatus van planeet. As aan veurwoarde 1 en 2 voldoan wordt, môr naait aan veurwoarde 3, wordt t betreffende objekt n dwaargplaneet nuimd; veurbeelden binnen Pluto, Ceres en Eris. Veur de klassifikoatsie van planeten boeten ons zunnesysteem (exoplaneten) binnen, onder aandere deur de meuilijke woarnemen, nog gain regels vaaststeld.

De wetenschop dij zok bezigholdt mit t bestudeern van planeten en aandere hemellichoamen hait planetologie.