Stellingwarver Laandrecht

Uut Wikipedia, de vrye encyklopedy
(döärstüürd vanaf "Laandrecht van Stellingwarf")

Et Stellingwarver Laanrecht, in 1480 drokt,[1] is een bewies van de Friese Vri'jhied in de Stellingwarven, naodat de luden daor heur vri'jmaekt hadden van de bisschop van Utrecht. Tot dat mement heurden ze bi'j Drenthe dat onderdeel wos van et Oversticht. Nao een opstaand die in 1309 begon, wodden de Stellingwarven een zelsstaandige ienhied.

In 2009 wodde in et Gelders Archief in Arnhem de 15e eeuwse tekst van et laandrecht van Stellingwarf ontdekt deur Oebele Vries, universitair lerer en onderzuker an de universiteit in Grunningen. De oorspronkelike tekst wodde in et Latien schreven. De geldighied van et laandrecht van Stellingwarf is aendigd in et jaor 1504, toegelieke mit die van et Ooldfries recht.

In et Freeska Landriucht (in 1480 as drokt boek publiceerd) staot Stellingwarf in et Traktaat van de Zeuven Zeelanen bi'j et vierde Zeelaand nuumd.[2]

Referensies[bewark | bronkode bewarken]

  1. Omrop Fryslân; 'Unyk midsieusk dokumint' (Uniek middelieuws dokement)
  2. Traktaat van de Zeuven Zeelanen in et Ooldfries op Wikisource