Klootscheetn

Uut Wikipedia, de vrye encyklopedy
(döärstüürd vanaf "Klootskeetn")
Nå navigaty springen Nå söken springen
2 klöyte in den sney

Kloutsketen (in noorddüütskland ouk wal es bosselen nöömd) is nen sport of balspel wårby as deylneamers proberet nen bal (of klout) underhandsk sou wyd möägelik te smyten. Et spel wördt spöäld döär alle leavtyden. Der beståt verskillende varianten:

  • Den skeidsrechter gevt vöäraf an wåras et eandpünt is. Spöälers muttet dan in sou min möägelik wörpe dee afstand vul maken.
  • Spöälers spreaket med mekander af wo lange as se doot. Wel as in dee tyd med minste wörpe sou wyd möägelik kümt hevt et wünnen.

Den klout hef nen döärsneyde van ungeväär 5,6 centimeter en is van vrogger uut van holt, wat an de binnenkante ingöäten is med loud of yser.

Geskedenisse[bewark | bronkode bewarken]

Geleyrden meynet dat kloutsketen al dusenden jåren vergelykbåre spellen spöälet oaver de heyle wearld, sou as de faraos uut et Olde Egypte en de yren. In de middeleywen wör et verböäden in gröätere europeeske städen. De klöyte kunden sorgen vöär groute vernelingen en et spel sorgden at de lüde et mangs slim med mekander in et mot hadden. Ryke lüde vünden et spel mär niks. Ouk vanuut et upkummende kalvinisme wör de stemming by wedstryden vöäls te uutbündig vünden. Et spel wör an banden legd en händigan meyr in verband bracht med laegere klassen. Vandår dat dee nu noch mangs neaderbügend klootjesvolk nöömd wordet.

Ouk in landelik Yrland is et kloutsketen noch altyd slim populäär. See nöömt et in et engelsk road bowling en in et keltisk Ból bothair. Et volksverhaal geyt dat dee upleaving te danken is an Willem van Oranje, den as noch en setken köäning oaver et Vereynigd Köäningryk was. Syne soldåten solden et spel mednoamen hebben.

In de böke[bewark | bronkode bewarken]

Meskeen wal et bekendste vöärbeald van kloutsketen in de böke is in Mans Kapbaargvan G.B. Vloedbeld. Dårin geyt höyvdkarakter Mans Kapbaarg in et laeger van Napoleon Bonaparte med up veldtocht. Underwyl loupet se in ne hinderlåge van de Baleåren, en volk wat öär med slingers en keie up de huud vallet. Kapbaarg verslüt eygenhandig de Baleåren döär den kapitein med eyne smette med nen klout tüsken de ougen te smyten.

Rechtevoord[bewark | bronkode bewarken]

Kloutsketers in Twente

Döär groiende belangstelling vöär eygenen kultuur en traditys, is der voordan meyr andacht vöär kloutsketen in Twente en den Achterhook. In Twente hebbet wat vereynigingen selvs en eygen klubhuus, wåras de meyste andere kloutsketersvereynigingen en underkummen hebbet by andere sportvereynigingen of en kulturhus. Ouk wyder in Oaveryssel en Drente sint se druk up de sport.

In de Gråfskap Bentem spöälet vreandengrupen et den winterdag. Med ne kåre vul eaten en starken drank holdet se sik wårm. In städe van nen klout gebruket see ne käseförmige höltene skyve.

Ouk in Düütskland en Italie groit de belangstelling en et andeyl seriöse spöälers. Et kloutsketen geyt selvs sou good dat der nen internationalen bund vöär is, wat alle jåren et wearldkampioonskap organiseert.

Neersassies[bewark | bronkode bewarken]

Al disse uutspråken sint afedekked med de nysassiske skryvwyse: kloutsketen.

Uutgånde verbinding[bewark | bronkode bewarken]

Wikimedia Commons Commons: Klootscheetn - plaatjes, filmkes en/of gelüüdsbestanden.