Klarinet
n Klarinet is n muziekinstrumeant oet de hooltbloazersgroep. n Namen keump van t Italiaanse woard clarino (wat verwaant is an t Germaanse klaroen, n soort trompet) met t achterplaksel -et (wat kleain betekent). Dit keump duurdet de eerste klarinetten nen toon hadden den't völle op nen trompet leek. t Instrumeant hef ne lecht cyllinidriese oetboaring, en hef n eankel reed.
De klarinettenfamilie besteet oet verskillende instrumeanten van verskillende grötte en toonstemmings. t Is met mear as twaalf verskillende soorten de grötste femilie van heultene bloasinstrumeanten. Disse loopt oeteen van de BBb contrabas töt de A sopraan. Völle van disse soorten zeent n algerak. De muziek dee't doarvuur eskrewen is, wörd vake duur de aandere, vakerder vuurkommende soorten espöld. Vake as t oawer nen klarinet geet, wörd doarmet n standaard Bb sopraanklarinet bedoold, den at met ofstaand t meeste vuurkeump.
Enen den at klarinet spölt neumt ze nen klarinettist of klarinetspöller. n Klarinet is oet eveunden duur n Duutser Johann Christoph Denner, roond t 18de joarhoonderd. Hee maakn n registerklepken an de vrogere chalumeau. Duur de joaren hen zeent doar meardere lochtdicht ofsloetnde klepkes en knöpkes bie ekömmen um t spel makkeliker te maken. Rechtevoort wörd n klarinet zowal in jazz as in klassieke muziek, en in kamerorkesten en as solo-instrumeant ebroekt.
|
Dit stüksken is noch mär en knöpken. Wy nöydigt ou üm dissen knop te låten bloien. |