Bron bekyken van Kasteel Breevoort

[[Ofbeelding:Kasteel bredenvoorde.gif|thumb|200px|Kasteel Breevoort]]
[[Ofbeelding:Kasteel_bredevoort_1597.jpg|thumb|200px|Kasteel Breevoort 1597]]
'''Kasteel Breevoort''' was n old kasteel in et [[Groafschap Zutfent]], 
previnsie [[Gelderlaand]], noordelek elaegen van [[Breevoort]], an de [[Boaven-Slinge|Slinge]]. Et kasteel lag woar noe de skole op 't Zand steet. De fundamenten van dit kasteel ligt woarschienlek nog under den plek woar noe de skole steet en et umrengende gebeed.

==Geskiednis==

In [[1188]] steet op n skrift "castrum Breidervort" eneumd op ne goderenlieste van den biskop van [[Köln]]. Et kasteel is in dee tied nen umstraeden plek en hef dan ok meerdere eigenoaren, woardeur der joarenlange stried is ewest um et kasteel.
Den Grace [[Everhard van der Mark]] verwoosten uutendelek et kasteel uut wroak woarnoa et kasteel joarenlang as ruine blef bestoan. Dan kump der n joarenlangen stried tussen [[Münsterland]] en [[Gelre]] en kump et kasteel in et joar [[1301]] in hende van graaf [[Herman II van Lohn]]. De bisköppe van Münster en Köln mösten den wiederopbouw van kasteel Breevoort betalen. Noa eeuwn van stried rundumme et kasteel guf den biskop van Münster den stried op, en wil goan proatn ovver vrae. Noa joarenläng proaten wöd dan uutendelek op [[28 juni]] [[1326]] de vrae etekend. Dit belangrieke verdrag wodden ok undertekkend deur de staedn [[Zutfent]], [[Grolle]], [[Emmerik]] en [[Arnem]]. Hierdeur kump [[Reinald II]] in pandbezit van de gerichten in [[Wenterswiek]], [[Aalten]] en [[Dinsper]] en et [[groafschap Breevoort]], woardeur et gebeed bi-j Gelderlaand kwam.
 
==Kruuttoorn ramp==

In [[1646]] sloog den bliksem in den kruuttoorn, woardeur et kasteel ontploften en 40 leu omkwamen. Hierunder bevonden zich den [[drost]] Haersolte van Breevoort en zien gezin. Alleneg een zönne, Anthonie, was toon neet thuus en oaverlaefden den ramp. Et kasteel wodden nooit meer herbouwd, en stoand doar nog rundumme 100 joar as ne ruine. Wat eeuwn van krieg en stried neet veur mekaar kreggen, lukten de natuur uutendelek wal. De inwonners van Breevoort hebt dee stenen bruukt as bouwmateriaal veur den herbouw van huze in de wiede umgaeving.

*{{heufdartikel|Kruuttoornramp (Breevoort)|act}}

==Uterlek van et kasteel Breevoort==

Et is neet bekand ewodden hoo et kasteel der uut-ezeen hef, op de meeste tekeningen ku'j zeen dat et ne döbbele umgrachting, döbbele ummuring, nen [[veurburcht]] en hooktoorns, of [[rondeel]]n hef. Met in et midden ne plaatse veur huze. Dizze ofbeeldingen wiezigt in de löppe van tieden, en et uterlek zol mangsmoal aanders ewest waen deur stried, krieg, stadsbraand, en aandere toostaanden. De tekkening uut [[1882]] van [[Jacob Craandijk]] is emaakt deur beskrieving of ne oldere ofbeelding van het veurmoalige kasteel, umdat in dee tied et kasteel al ruum 200 joar vort was. 

==Uutgoande verwiezingen==
* [https://web.archive.org/web/20140716161826/http://www.graafschap-middeleeuwen.nl/verdwenen/kasteel-bredevoort.html Den Groafschap in de Middeleeuwn, Kasteel Breevoort]
* [https://web.archive.org/web/20070928180947/http://www.archengigi.net/bdv.html Rekonstruksies Kasteel Breevoort]

[[Kategorie:Achterhooks_artikel]]
[[Kategorie:Kastele in Nederlaand|Breevoort]]
[[Kategorie:Aalten]]