Bron bekyken van Kannede

{{Zie dv|Zie ok [[Kannede (deurstuurpagina)]] veur aandere betekenissen.}}
{{Laandtabel-stl
| naemeinlaanstael = Canada
| vlagge = [[Bestaand:Flag of Canada.svg|120px|border|Vlagge van Kannede]]
| waopen = [[Bestaand:Royal Coat of arms of Canada.svg|120px|Waopen van Kannede]]
| lekaosie = LocationCanada.png
| breedtegroad=56///N | lengtegroad=105///W | region=CA
| taelen = [[Engels]] en [[Frans|Fraans]]
| heufdstad = [[Ottawa (stad)|Ottawa]]
| religie = [[Christendom|Kristelik]] 77%
| regeringsvorm = [[Parlementaire monarchie]]
| km2 = 9.984.670 | pctwaeter = 8,62
| inwoners = 32,2 miljoen | dichthied = 4
| muntienhied = [[Kannedese dollar]] | valutakode = CAD
| tiedzone = −3½ tot −8
| volkslied =  [[O Canada]]
| feestdag = [[1 juli]]
| tld = ca | laandkode = CAN | til = 1
}}
'''Kannede''' ([[Fraans]] en [[Engels]]: ''Canada'') is een [[Staot|laand]] in et noordelike diel van [[Noord-Amerike]]. An de zuudkaante wodt et begreensd deur de [[Verienigde Staoten van Amerika|Verienigde Staoten van Amerike]], an de oostkaante deur de [[Atlantische Ozeoan|Atlantische Oceaan]], an de westkaante deur et Amerikaanse [[Alaska (stoat)|Alaska]] en de [[Stille Oceaan]] en in et noorden deur de [[Arctische Oceaan]]. De naeme Kannede komt van et [[Indianen|Indiaanse]] ''Kanata'' (= nederzetting). De [[heufdstad]] van Kannede is [[Ottawa (stad)|Ottawa]]. De grootste steden bin [[Toronto]] en [[Montreal (Quebec)|Montreal]]. Et staotsheufd van Kannede is de [[Verienigd Keuninkriek|Britse]] keuning [[Charles III van et Verienigd Keuninkriek|Charles III]], vertegenwoordigd in Kannede deur de [[Gouverneur-Generaol]]. Kannede is lid van et [[Gemienebest van Naosies]]. De [[religie|heufdreligie]] van Kannede is et [[christendom|kristendom]] (77%).

== Tael ==
Kannede as gehiel is officieel twietaelig, hoewel d'r buten de federaole overhied omme niet zovule van te marken is. De Québécois praoten een vortzetting van et Fraans van de [[17e eeuw|17e]] en [[18e eeuw|18e ieuw]], mar in tegenstelling tot wat mit et [[Afrikaans]] gebeurd is, hebben ze vaastehullen an dezelde standerdtael as aandere Fraanstaelige gebieden zoas Fraankriek, westelik Zwitserlaand of Wallonië. Sund de jaoren is d'r is een scharpe poletieke scheiding ontstaon tussen et Fraanstaelige Quebec en de Engelstaelige perveensies, et was zels zo slim dat d'r in Quebec twie referenda west hebben waor de onofhanakelikhied van Quebec mar nipt ofwezen wodde. In een antal Engelstaelige perveensies, zoas [[Ontario]] en [[Manitoba]], wonen een protte Fraanstaelige gemienschoppen en [[Ni'j-Brunswiek]] is de ienigste officieel twietaelige perveensie mit ongeveer een dadde van de bevolking die Fraanstaelig is. In [[Ni'jvunnenlaand]] wodde in Fraanse viskersdörpen Fraans spreuken. D'r wodden pogings onderneumen de pesisie van t Fraans in Ni'jvunnenlaand te verbeteren, onder aandere deur onderwies in t Fraans te geven.

Naost t Fraans en Engels bin d'r in Kannede 11 zogenaemde Indiaanse- en Inuittaelen die bestaon uut meer as 65 verschillende dialekten.<ref>[http://www.statcan.gc.ca/pub/89-589-x/4067801-eng.htm Inheemse taelen van Kannede]</ref> Hiervan hebben allienig et [[Kree (tael)|Kree]], [[Inuktitut]] en [[Ojibwe]] een groep van spreker die de tael vloeiend spreken om et op termien te behoolden. Verschillende inheemse taelen hebben een officiële staotus in de Noordwestelike Territoria. Inuktitut is de belangriekste tael in Nunavut en is ien van de drie officiële taelen in et gebied.

== Geografie ==
=== Klimaot ===
Grote dielen van Kannede kennen slim koolde [[wienter|winters]] mit tempereturen die in et noorden en op de [[prairie]]s riegelmaotig onder de -40° [[Celsius]] kommen. Een uutzundering bin de kustgebieden in Brits-Columbia mit milde en regenachtige winters.

Zoemers kunnen in grote dielen van Kannede, veural et zuden, opvalend waarm wezen en vaeke vochtig. De gemiddeld waarmste steden in Kannede bin [[Vancouver]], [[Victoria (Kannede)|Victoria]] en [[Windsor (Kannede)|Windsor]], de meerst zudelik legen stad. Een klein woestiengebied in de [[wienstreek]] [[Okanagan]], in et zuden van [[Brits-Columbia]]. Et uterste zuden van Ontario is een uutloper van de zogenaemde ''Tornado alley'' vanuut de Verienigde Staoten, een gebied waor vaeke [[Wervelstörm|tornado’s]] veukommen.

=== Perveensies ===
Et laand is onderverdield in 10 perveensies en drie territoria, die rechtstreeks deur de regering van et laand bestuurd wodden. Disse territoria bin dunbevolkt.

De tien perveensies bin: [[Alberta]] - [[Brits-Kolumbia]] - [[Manitoba]] - [[Ni'j-Brunswiek]] - [[Ni'jvunnenlaand en Labrador]] - [[Ni'j-Schotlaand]] - [[Ontario]] - [[Prins Edwardeilaand]] - [[Quebec (perveensie)|Quebec]] - [[Saskatchewan]]<br />
En de territoria: [[Noordwestelike Territoria]] (mit de [[Kannedese Arktische Eilanen]] d'r bi'j) - [[Nunavut]] - [[Yukon]].

Veur et territorium Nunavut gellen liekewel dezelde riegels as veur een perveensie. Et gebied wodt veurnaemelik bewoond deur [[Eskimo's]] (of [[Inuit]]), ien van de oorspronkelike bevolkingsgroepen van Kannede.

=== Steden ===
De heufdstad van Kannede is [[Ottawa (stad)|Ottawa]]. 

De grootste steden bin [[Toronto]] en [[Montreal (Kannede)|Montreal]]. 

Inkelde aandere steden bin: 
* [[Quebec (stad)|Quebec]]
* [[Vancouver]]
* [[Calgary]]
* [[Victoria (Kannede)|Victoria]]
* [[Edmonton]]
* [[Winnipeg]]
* [[Halifax (stad)|Halifax]]
* [[St. John's (Ni'jvunnenlaand en Labrador)|St. John's]]
* [[Regina (Kannede)|Regina]]

== Besehenswårdigheden ==
* [[L'Anse aux Meadows]]
* [[Nasionaol park Nahanni]]
* [[Perveensiaol park Dinosaur]]
* [[Nasionaol park Kluane|Kluane]]/[[Wrangell-St. Elias]]/[[Glacier Bay]]/[[Tatshenshini-Alsek]] (gedieltelik in de [[Verienigde Staoten van Amerika|Verienigde Staoten van Amerike]])
* [[SGaang Gwaii]] ([[Anthony Island]])
* [[Head-Smashed-In Buffalo Jump]]
* [[Nasionaol park Wood Buffalo]]
* Parken in 't Kannedese [[Rotsgebargte]] (ok wel ''Rocky Mountains'' nuumd); [[Burgess-schaolie]], vrogger apat op de Wereldarfgoedliest, is onderdiel van dit gebied
* Historische wiek van [[Quebec (stad)|Quebec]]
* [[Nasionaol park Gros Morne]]
* De oolde stad [[Lunenburg]]
* [[Waterton-Glacier internasionaol vri'jhiedsparks]] (gedieltelik in de [[Verienigde Staoten van Amerika|Verienigde Staoten van Amerike]])
* [[Miguasha Park]]

== Nasionaole feestdag ==
De nasionaole feestdag van Kannede is [[1 juli]]: ''[[Canada Day]]'', de dag waorop in [[1867]] de Konfederaosie van Kannede (''Dominion of Canada'') tot staand kwam. De feestdag wodde eerst ''Dominion Day'' nuumd en wodde in [[1879]] veur et eerst vierd. Sund [[1982]] is de hudige naeme in gebruuk.

Canada Day wodt vaeke uutbundig vierd mit optochten en [[vuurwark]]. In [[Ottawa (stad)|Ottawa]] bin d'r evenementen rondomme de parlementsgebouwen.

== Kaorte ==
[[Bestaand:Political map of Canada.png|400px|border|left|Perveensies van Kannede]]{{-}}

== Rifferenties ==
<references/>

== Uutgaonde verwiezing ==
{{Commonscat|Canada}}

[[Kategorie:Stellingwarfs artikel]]
[[Kategorie:Kannede| ]]