Bron bekyken van Kampereilaand

t '''Kampereilaand''' (in Kampen ook wel ''t Binneneiland''<ref>Reeks Nederlandse dialectatlassen. Dialektatlas van Zuid-Drenthe en Noord-Overijssel</ref>)is n [[Nederlaand]]s [[eilaand]] in de monding van de Iessel bi'j Kampen, t grenst an de [[Iessel]], t [[Kattendiep]], t [[Ketelmeer]], t [[Zwärte Meer]] en t [[Ganzediep]]. t Eilaand is 3.000 bunder groot en ligt in de [[Oaveriessel|Overiesselse]] gemeente [[Kampen (Overiessel)|Kampen]].

In de 19e eeuw beston Kampereilaand uut drie eilaanden: [[Kattenweerd]], [[Raos-Pieperstärt]] en [[Binneneilaand]]. De drie eilaanden waren van mekare eskeiden deur t [[Rechterdiep]] en t [[Noorddiep]]. In de 20e eeuw kreeg t Kampereilaand de vörm die t now ef. t Rechterdiep wier edempt, t Noorddiep wier bi'j de Iessel of-esleuten, t Kattendiep wier egraven en der kwamen ni'je inpolderingen op de Zuderzee (Rechterveld, Willem Meijerpolder, Stikkenpolder en Zwärtemeerpolder).

Töt veur kort a'j op t Kampereilaand alliend maar boeren (melkveeolderi'jen), maar deur alleraande ontwikkelingen is dät stärk an t veraanderen. Op t eilaand wonen ongeveer 500 mensen. Der is n buurtskap met n kärke en n basisskole. Der is n kämping en der bin wat rekreatieve avens. t Kampereilaand is verbunnen met de Ganzesluze, de [[Eilaandbrugge]] en [[Ramspolbrugge]]. n Klein gedeelte van t Kampereilaand eurt bi'j de [[Flevolaand]]se gemeente [[Noordoostpolder]].

==Grondbezit Kampen==
In 1363 skönk de [[bisschop van Utrecht]] Jan van Arkel de eilaanden in de Iesselmonding an de stad Kampen in ruul veur de rechten van de stad in de polder [[Mastenbroek]].<ref>[https://www.kampen.nl/secure/digitalebalie/ondernemers/bouwenvestigenenplannen/stadservenenlanderijen?term=stadserven| Webstee van de gemeente Kampen/stadsärven]</ref> Kampen kreeg niet alleend de eilaanden, maar ook t recht-van-anwas. Uutbreidingen van de eilaanden op de Zuderzee waren daordeur ook eigendom van de stad. Deur ofzetting en aktieve inpoldering breidde Kampen zien grondbezit in de loop van de eeuwen stärk uut. t Uuteindelike boerengrondbezit van de gemeente was 5.000 bunder. t Beston naost t Kampereilaand uut de [[Mändtiesweerd]] (600 bunder), [[De Pieper (polder)|de Pieper]] (200 bunder), de Melm, Butendieks en de polder Broeken en Maoten. t Ele bezit wier um t kort te olden ook wel t "Kampereilaand" enuumd. De pachtinkomsten waren zo goed dät de gemeente Kampen in de 19e eeuw gien belastingen meer oefde te effen. Ier zag t bedriefsleven wel brood in. Dit leidde onder aandere töt de vestiging van de [[Protestantse Theologiese Universiteit vestiging Kampen|ThuK]] in Kampen. In oktober 2007 droeg de gemeente Kampen t eigendom van zien ele bezit over an Kampereilaand Vastgoed NV. De gemeente is de ienigste andeelolder. t Verspreidingsgebied was deur stadsuutbreidingen inmiddels of-eneumen tot 4.000 bunder.

==Laandskap==
t Kampereilaand van now nemp n ampärte plaatse in in t [[Nasionaal Laandskap Iesseldelta]]. De Iesseldelta is ien van de meest unieke rivierdelta’s van Nederlaand.<ref>[http://www.kampen.nl/default/ontdekkampen/geschiedenis/geschiedenis/id_9628| Webstee van de gemeente Kampen/geskiedenisse]</ref> Typerend veur t eilaand is dät de oldere [[boerderi'je]]en op [[terp]]en ebouwd bin. Dit was neudig umdät t eilaand véúr de ofsluting van de [[Zuderzee]] in [[1932]] bi'j n oge waterstaand väke overstroomde. An t Kampereilaand in t Ketelmeer en Zwärte Meer liggen rietvelden.

==Referensies==
<references/>

{{Kampen}}
{{Dialekt|sdz|Kampereilaand|Algemene Nedersaksiese Schriefwieze}}
{{Coordinate|NS=52/35/7|EW=5/53/50|type=landmark|region=NL-OV}}

[[Kategorie:Nederlaands eilaand]]
[[Kategorie:Plaatse in Oaveriessel]]
[[Kategorie:Geografie van de Kop van Overiessel]]
[[Kategorie:Geografie van Sallaand]]
[[Kategorie:Kampen]]