Volkermoard

Volkermoard of genocide is et upsettelik vernetigen van en volk. In 1948 küm de Gaddering vöär Volkermoard van de Vereynigde Natys med de definity: "dåden dee leidet töt verwöösten van ne nationale, etniske, raciale of gelöyvsgrupe, in syn geheyl of deyls." Dårby kümmen se med ne lyste van vyv dåden: leyden van ne grupe douddoon, se slimme skade an et lyf of et gemood tobrengen, ne grupe soudöänig leavensvryheid inparken dat se der an underdöär gåt, geboardebeparken un med geweld vordvoren van kinder uut de grupe. Slachtoffers müttet et lyden ümdat se by ne grupe höyret (of ümdat de dåders dat meynet).

Volgens de amerikaanske Taakgrupe Politike Instabiliteit warren der 43 volkermoarden tüsken 1956 un 2016. Dårby löäten ungeväär 50 miljoon lüde et leaven. Noch es 50 miljoon sint dårdöär up de vlücht egån. Et stelselmåtig uutmoarden van en volk wördt wyduut eseen as et toppunt van menskelik kwåd. Den term is belåden, ümdat et en waerdeoordeyl bevat. Grupen dee wordet beskuldigd van volkermoard, seet dat vake selv heyl anders.

Bekende volkermoarden sint under andere de Holocaust, de volkermoard up de herero un nama un de armeynske volkermoard.