Boekarest

De binnenstad van Boekarest dut wat an Paries denken.

Boekarest (Roemeens: București, oetsprekken as boekoe-RESJtj) is de heuwdstad en tegelieke ook grötste stad van Roemenië. Der wont 1,7 miljoen leu in de binnenstad. Met alle vuursteaden der bie steet 'n teller op 2,2 miljoen.

Boekarest wördt zeen as Roemenië's middelpunt vuur kultuur, geldzaken, vermaak en media. Et hef wiedergoanden invlood in heel Oost- en Zuudoost-Europa, ook wat onderwies, toerisme, onderzeuk, technologie, verpleging, kunst, mode, sport en politiek angeet. Binnen Roemenië ligt et in et zuudoosten, an de rivier de Dâmbovița, op minder as 60 km noordelik van de Donau en de grenze met Bulgarije. Beide binnen de EU en Zuudoost-Europa is et ene van de drokste steaden.

Boekarest steet in 1459 et eerst in de beuke. Tusken 1659 en 1859 was et de heuwdstad van Wallakië, en doaransloetend van 1859 tot 1881 van de Vereanigde Prinsdommen van Moldavië en Wallakkië.

De stad is bekend um de völle klassieke bouwwarken, woerduur as et ook wal bekend steet as et Paries van et Oosten.