Beer

Kiekt veur 't mannegieszwien bij Värken, veur de alcoholische draank bij Bier en veur 't slaopmeubel bij Berre.

Een kodiakbeer mit heur jonggies

Een beer is een wild dier det beheurt töt de femilie van de Ursidae in de örder van de roofdieren (Carnivora). Krek as de hondachtigen, zeeroofdieren, kleine beren en marterachtigen vaalt beren in de onderörder Caniformia. Dizze femilie bestiet uut acht soorten in vief geslachten.

De eerste beren waren niet groot, mar ze hebt heur ontwikkeld töt grote laandroofdieren: de kodiakbeer (een ondersoorte van de broene beer) en de iesbeer bint de grootste laandroofdieren op eerde. Beren hebt stevige, körte poten en een kleine starte. 't Bint zoolgangers, liekas apen: alle drei riegen botties zörgt veur de ondersteuning van 't contactoppervlak van de poot. Veur körte steugies kunt ze hard rönnen.

Aover 't algemien bint beren alleseters, die nog 't drokst bint op plantaordig eten. Uutzunderings bint de reuzenpanda, die niks as bamboe et, en de iesbeer, die mar weinig plaanten et en heufdzakelijk van zeehonden en vissen leeft.

Pasgeboren beerties bint arg klein (töt zeuven ons), hebt gien haor en kunt heurzölf niet redden.

Dit artikel is eschreven in 't Zuudwest-Drèents.